വ്യോമസേനയിലെ വിങ് കമാന്‍ഡര്‍ വിങ് കമാന്‍ഡര്‍ സ്‌കാനിങ് റിപ്പോര്‍ട്ട് പുറത്ത്. അഭിനന്ദന്റെ നട്ടെല്ലിനും വാരിയെല്ലിനും പരിക്കേറ്റതായി റിപ്പോര്‍ട്ടില്‍ വ്യക്തമാക്കുന്നു. അതേസമയം പാക് കസറ്റഡിയിലായിരിക്കെ അഭിനന്ദന്റെ ശരീരത്തില്‍ രഹസ്യ ഉപകരണങ്ങളൊന്നും അവര്‍ ഘടിപ്പിച്ചിട്ടില്ലെന്നും സ്‌കാനിങ് റിപ്പോര്‍ട്ട് സ്ഥിരീകരിച്ചിട്ടുണ്ട്.
പാരച്യൂട്ട് ഉപയോഗിച്ച് രക്ഷപ്പെടാന്‍ ശ്രമിച്ചപ്പോഴോ പാകിസ്താനികളില്‍നിന്ന് മര്‍ദ്ദനം ഏല്‍ക്കേണ്ടിവന്നപ്പോഴോ ആവാം അദ്ദേഹത്തിന്റെ നട്ടെല്ലിനും വാരിയെല്ലിനും പരിക്കേറ്റതെന്ന് കരുതുന്നു.
പാകിസ്താന്റെ കസ്റ്റഡിയില്‍വച്ച് തനിക്ക് ശാരീരിക പീഡനങ്ങളൊന്നും ഏല്‍ക്കേണ്ടിവന്നില്ലെന്ന് അഭിനന്ദന്‍ പറഞ്ഞിരുന്നു. എന്നാല്‍, അവര്‍ മാനസികമായി പീഡിപ്പിച്ചിരുന്നുവെന്നും വ്യക്തമാക്കിയിരുന്നു.
ഈ സാഹചര്യത്തില്‍ മാനസികാരോഗ്യം വീണ്ടെടുത്തതിന് ശേഷം മാത്രമേ കൂടുതല്‍ വിവരങ്ങള്‍ അധികൃതര്‍ ചോദിച്ചറിയാന്‍ ശ്രമിക്കൂ. പാകിസ്താന്‍ കസ്റ്റഡിയിലായിരിക്കെ അവര്‍ എന്തൊക്കെ ചോദിച്ചൂവെന്നും അവരോട് എന്തെല്ലാം വെളിപ്പെടുത്തേണ്ടി വന്നുവെന്നും അടക്കമുള്ളവയാവും അധികൃതര്‍ ചോദിക്കുക. ഡല്‍ഹി സൈനിക ആശുപത്രിയില്‍ ചികിത്സയിലാണ് അഭിനന്ദന്‍.
