ലണ്ടന്: മനുഷ്യന്റെ അസ്ഥികൂടത്തിനും നായയ്ക്കും ഒപ്പം സെമിത്തേരിയില് ഡാന്സ് കളിച്ച് കന്യാസ്ത്രീ. യോക്ഷെയറിലെ ഓള്ഡ് ഹള് ജനറല് സെമിത്തേരിയിലാണ് കന്യാസ്ത്രീ വേഷധാരിയായ സ്ത്രീ ഒരു മനുഷ്യന്റെ അസ്ഥികൂടം എടുത്ത് നൃത്തമാടിയത്.അര നൂറ്റാണ്ടായി അടഞ്ഞുകിടക്കുന്ന സെമിത്തേരിയാണിത്. കന്യാസ്ത്രീകളുടെ വെള്ളഗൗണാണ് സ്ത്രീ ധരിച്ചിരിക്കുന്നത്. ഉച്ചയോടെയാണ് സംഭവം.
മനുഷ്യന്റെ അസ്ഥികൂടം കയ്യിലെടുത്താണ് അവര് നൃത്തമാടിയത്. ഒപ്പമുണ്ടായ നായയ്ക്കൊപ്പവും അവര് നൃത്തം ചെയ്യുന്നുണ്ട്. നട്ടുച്ചയ്ക്ക് സെമിത്തേരിക്ക് സമീപം കടന്നുപോയ യാത്രികര് ഈ ദൃശ്യംകണ്ട് കാര് നിര്ത്തി വീഡിയോ പകര്ത്തുകയായിരുന്നു. ഇതൊരു പ്രേതമാണോ എന്ന പേടിയിലാണ് പലരും.വീഡിയോ പകര്ത്തിയ കാര് യാത്രികരാണ് ഈ ദൃശ്യങ്ങള് സോഷ്യല്മീഡിയയില് പങ്കുവെച്ചത്. ഭീതിത ദൃശ്യങ്ങള് ഇപ്പോള് തന്നെ വൈറലായിട്ടുണ്ട്.
ഈ ദൃശ്യത്തിലെ നിഗൂഢതയുടെ ചുരുളഴിക്കണമെന്നാണ് പലരും ആവശ്യപ്പെടുന്നത്. ഭ്രാന്തിയായ അമ്മയും മകന്റെ അസ്ഥികൂടവുമാകാമെന്നും ചിലര് കമന്റ് ചെയ്യുന്നു. അരനൂറ്റാണ്ടായി അടഞ്ഞുകിടക്കുന്ന സെമിത്തേരിയാണിത്. 1972 ല് അടച്ചിട്ട ഈ സെമിത്തേരി ഹള്ളിലെ ഒരു ചരിത്രപ്രാധാന്യമുള്ള സ്ഥലമായാണ് കണക്കാക്കുന്നത്.