നെടുമങ്ങാട്: പ്രണയപകയിൽ ഒരു ജീവൻ കൂടി പൊലിഞ്ഞു. നെടുമങ്ങാട് യുവാവ് കുത്തി പരുക്കേൽപ്പിച്ചിച്ച പെണ്കുട്ടി മരിച്ചു. വാണ്ട സ്വദേശി സൂര്യഗായത്രിയ്ക്കാണ് (20) കൊല്ലപ്പെട്ടത്. ഇന്നലെ ഉച്ചയ്ക്ക് ശേഷം മൂന്നരയ്ക്കാണ് സംഭവം നടന്നത്. വീടിന്റെ അടുക്കള വാതിലിലൂടെയാണ് അരുണ് അതിക്രമിച്ച് കയറിയാണ് സൂര്യഗായത്രിയെ കുത്തിയത്. കൈയ്യില് കരുതിയിരുന്ന കത്തി ഉപയോഗിച്ച് സൂര്യഗായത്രിയെ കുത്തി. പതിനഞ്ചോളം കുത്തേറ്റ സൂര്യഗായത്രി നിലത്ത് വീണു.
എന്നാൽ വീണ്ടും കുത്താൻ തുടങ്ങിയപ്പോള് സൂര്യഗായത്രിയുടെ വികലാംഗയായ അമ്മ വത്സല തടഞ്ഞു. ഇവര്ക്കും പരിക്കേറ്റു. സൂര്യഗായത്രിക്ക് വയറിലും കഴുത്തിലുമാണ് സാരമായ മുറിവ് പറ്റിയത്. ഇവരെ അടിയന്തര ശസ്ത്രക്രിയയ്ക്ക് വിധേയയാക്കി യെങ്കിലും പുലര്ച്ചയോടെ ആരോഗ്യനില വഷളായി. കുത്തിയതിന് പിന്നാലെ അരുണ് സ്ഥലത്ത് നിന്ന് ഓടി രക്ഷപ്പെട്ടു. നാട്ടുകാര് നടത്തിയ തെരച്ചിലില് സമീപത്തെ വീടിന്റെ ടെറസില് ഇയാള് ഒളിച്ചിരുന്ന ഇയാളെ പിടികൂടി.
ചികില്സയിലായിരുന്ന തിരുവനന്തപുരം മെഡിക്കല് കോളജില് വച്ചാണ് ഇന്ന് പുലര്ച്ചെ പെണ്കുട്ടി മരണപ്പെട്ടത്. സൂര്യഗായത്രിയുമായി അരുണിന് മുൻപരിചയം ഉണ്ടായിരുന്നു. പിന്നീട് ഇവര് തമ്മില് തെറ്റി. സാമ്പത്തിക ഇടപാടുകളെച്ചൊല്ലിയും തര്ക്കമുണ്ടായി. ഭര്ത്താവുമായി പിണങ്ങി അമ്മയോടൊപ്പമാണ് സൂര്യഗായത്രി കഴിഞ്ഞ ആറ് മാസമായി കഴിഞ്ഞിരുന്നത്. അരുണും വിവാഹിതനാണ്. പലതവണ യുവതി അരുണിനെതിരെ പോലീസില് പരാതിയും നല്കിയിട്ടുണ്ട്.
പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona