കോട്ടയം: കങ്ങഴ ഇടയപാറയില്‍ റോഡരികില്‍ യുവാവിന്റെ വെട്ടിമാറ്റിയ കാല്‍പാദം കണ്ടെത്തി. കൂടാതെ ഇതിന് മീറ്ററുകള്‍ക്ക് സമീപം റബര്‍തോട്ടത്തില്‍ നിന്ന് യുവാവിന്റെ മൃതദേഹവും കണ്ടെടുത്തു.
ഈ സംഭവവുമായി ബന്ധപ്പെട്ട് രണ്ടുപേര്‍ മണിമല പോലീസ് സ്‌റ്റേഷനില്‍ കീഴടങ്ങിയിട്ടുണ്ട്. ഇവരെ ചോദ്യം ചെയ്തുവരികയാണ് പോലീസ്.
വ്യാഴാഴ്ച വൈകിട്ടോടെയാണ് സംഭവം. സംഭവത്തിൽ യുവാവിനെ വെട്ടിക്കൊന്ന ശേഷം കാല്‍പാദം വെട്ടിമാറ്റി റോഡരികില്‍ ഉപേക്ഷിച്ചതാണെന്നാണ് പോലീസ് നിഗമനം.
അതേസമയം കൊല്ലപ്പെട്ടത് കോട്ടയത്തെ ഗുണ്ടാനേതാവാണെന്നും സൂചനകളുണ്ട്.
