കണ്ണൂര്‍: തിരക്ക് കണക്കിലെടുത്ത് മുന്‍ഗണന വിഭാഗം കാര്‍ഡുകള്‍ക്ക് സംസ്ഥാനസര്‍ക്കാര്‍ നല്‍കുന്ന പലവ്യഞ്ജനക്കിറ്റ് വിതരണം മാറ്റി. ഏപ്രില്‍ 27ലേക്കാണ് മാറ്റിയിരിക്കുന്നത്. റേഷന്‍ കടകളിലെ സ്ഥലപരിമിതിയും തിരക്കും കണക്കിലെടുത്താണ് ഇത് മറ്റൊരു തിയ്യതിയിലേക്ക് മാറ്റിയത്.
പ്രധാന്‍മന്ത്രി ഗ്രാമീണ്‍ കൗശല്‍ യോജന പദ്ധതി പ്രകാരം(പി.എം.ജി.കെ.വൈ.) സംസ്ഥാനത്തെ അന്ത്യോദയ അന്നയോജന-മുന്‍ഗണനാ വിഭാഗം (മഞ്ഞ, പിങ്ക് റേഷന്‍ കാര്‍ഡുകള്‍) കുടുംബങ്ങള്‍ക്കുള്ള സൗജന്യറേഷന്‍ വിതരണം തിങ്കളാഴ്ച തുടങ്ങി. ആദ്യദിനത്തില്‍ 2.25 ലക്ഷം കാര്‍ഡുടമകളാണ് റേഷന്‍ വാങ്ങിയത്. പി.എം.ജി.കെ.വൈ. പദ്ധതി വഴിയുള്ള അരിവിതരണം ഏപ്രില്‍ 26-ന് പൂര്‍ത്തിയാക്കാനുള്ള ശ്രമമാണ് അധികൃതര്‍ നടത്തുന്നത്.
