ദോഹ: രാജ്യത്തെ കോവിഡ്-19 കേസുകളില്‍ ആശങ്കപ്പെടേണ്ടെന്നും ഭയപ്പെടേണ്ടെന്നും ഹമദ് മെഡിക്കല്‍ കോര്‍പറേഷനിലെ മുതിര്‍ന്ന മാനസികാരോഗ്യ വിദഗ്ധ ഡോ. സുഹൈല ഗുലൂം.
കോവിഡ്-19 കേസുകളിലെ വര്‍ധനവ് ഗുണകരമായ വശമായി കാണണം. പരിശോധന കൂടിയതാണ് രോഗികളും ഏറിയതിന് കാരണം.
അഭ്യൂഹങ്ങള്‍ക്ക് ചെവി കൊടുക്കലും അത് പ്രചരിപ്പിക്കുന്നതും ആളുകള്‍ക്കിടയില്‍ മാനസിക സമ്മര്‍ദ്ദങ്ങളും പ്രശ്നങ്ങളും വര്‍ധിപ്പിക്കാന്‍ കാരണമാകും. ഇതൊരു പുതിയ പ്രതിഭാസമാണെന്നും ജനങ്ങള്‍ സാധ്യമാകുന്നത്ര മുന്‍കരുതലുകള്‍ സ്വീകരിച്ച്‌ പ്രതിരോധ പ്രവര്‍ത്തനങ്ങള്‍ക്ക് പിന്തുണ നല്‍കണമെന്നും ഡോ. സുഹൈല ഗുലൂം വ്യക്തമാക്കി.
