യുഎഇ :കൊറോണ വൈറസ് ബാധയെ തുടര്‍ന്നുണ്ടായ സാമ്പത്തിക പ്രതിസന്ധി കണക്കിലെടുത്ത് യു .എ.ഇയിലെ വിവിധ സ്കൂളുകള്‍ക്ക് ഫീസിളവ് പ്രഖ്യാപിച്ചു. ഷാര്‍ജയും അജ്മാനും ട്രാഫിക് പിഴകളില്‍ ഇളവ് പ്രഖ്യാപിച്ചു.
ഇന്ത്യന്‍ സിലബസ് പഠിപ്പിക്കുന്ന വിവിധ സ്കൂളുകള്‍ ഉള്‍പ്പടെ ഫീസ് ഇളവ് നല്‍കാന്‍ മുന്നോട്ടുവന്നിട്ടുണ്ട്. മിക്ക സ്കൂളുകളും ബസ് ഫീസ് പൂര്‍ണമായും ഒഴിവാക്കും എന്നറിയിച്ചത് രക്ഷിതാക്കള്‍ക്ക് ആശ്വാസമായിട്ടുണ്ട്. ഈ അധ്യയനവര്‍ഷം ഇ ലേണിങ് തുടരും എന്നറിയിച്ചതിനാല്‍ അടുത്തദിവസം മുതല്‍ ഇ ലേണിങ് ക്ലാസുകള്‍ കൂടുതല്‍ സജീവാകും.
ഇന്ത്യന്‍ സ്കൂളുകള്‍ ജൂണ്‍ അവസാനിക്കുന്ന ടേം വരെ ഇ ലേണിങ് തുടരാനാണ് തീരുമാനിച്ചിരിക്കുന്നത്. കൂടാതെ വിദ്യാർത്ഥികൾ സ്കൂൾ ബസ് ഉപയോഗിക്കാത്തതിനാൽ ബസ് ഫീസും അടയ്‌ക്കേണ്ടതില്ല.
