പാകിസ്ഥാന്റെ പിടിയിലായ ഇന്ത്യന്‍ വ്യോമസേന വൈമാനികന്‍ അഭിനന്ദന്‍ വര്‍ത്തമന്റെ വീഡിയോ ദൃശ്യങ്ങള്‍ നീക്കം ചെയ്യുവാന്‍ ഐടി മന്ത്രാലയം യുട്യൂബിനോട് ആവശ്യപ്പെട്ടു . അഭിനന്ദനുമായി ബന്ധപ്പെട്ട 11 വീഡിയോ ലിങ്കുകളാണ് നീക്കം ചെയ്യാന്‍ ആവശ്യപ്പെട്ടിരിക്കുന്നത് . കേന്ദ്ര അഭ്യന്തര മന്ത്രാലയത്തിന്റെ നിര്‍ദേശ പ്രകാരമാണ് ഐ ടി മന്ത്രാലയം യു ട്യൂബിനോട് വീഡിയോ ദൃശ്യങ്ങള്‍ നീക്കം ചെയ്യാന്‍ ആവശ്യപ്പെട്ടിരിക്കുന്നത് .

ഔദ്യോഗികമായ നിര്‍ദ്ദേശം ലഭിച്ചാല്‍ യു ട്യൂബിന്റെ നയങ്ങള്‍ക്ക് വിധേയമായ രീതിയില്‍ ഉടന്‍ തന്നെ ദൃശ്യങ്ങള്‍ നീക്കം ചെയ്യുമെന്ന് യുട്യൂബ് അധികൃതര്‍ വ്യക്തമാക്കി .