നോയിഡ: ടിക്ടോക്കില് പോസ്റ്റ് ചെയ്യുന്ന വിഡിയോകള്ക്ക് ലൈക് കുറഞ്ഞതിനെത്തുടര്ന്ന് 18 കാരന് തൂങ്ങിമരിച്ചു. നോയിഡയിലെ സെക്ടര് 39 പൊലീസ് സ്റ്റേഷന് പരിധിയിലാണ് സംഭവം. മകന് മുറി തുറക്കാത്തതിനെ തുടര്ന്ന് നടത്തിയ അന്വേഷണത്തിലാണ് മുറിയിലെ ഫാനില് തൂങ്ങി മരിച്ച നിലയിൽ കണ്ടെത്തിയത്.
തുടർന്ന് പിതാവ് പൊലീസിനെ വിവരം അറിയിക്കുകയായിരുന്നു. പതിവായി ടിക്ടോകില് പോസ്റ്റ് ചെയ്തിരുന്ന വിഡിയോകള്ക്ക് കുറച്ചു ദിവസങ്ങളിലായി കാഴ്ചക്കാര് കുറഞ്ഞതിനെ തുടര്ന്ന് 18 കാരന് നിരാശയിലായിരുന്നു. കുറച്ചു ദിവസങ്ങളായി മകന് മാനസിക സമ്മര്ദ്ദം അനുഭവിച്ചിരുന്നതായും മറ്റുള്ളവരോട് പതിവുപോലെ സംസാരിക്കാറില്ലായിരുന്നുവെന്നും പിതാവ് പറഞ്ഞു. അതേസമയം, തൂങ്ങിമരിക്കാനുണ്ടായ കാരണം ഇതുതന്നെയാണോ എന്ന് അന്വേഷിച്ചുവരികയാണ് പൊലീസ്.