കിളിമാനൂര്‍ : ആത്മഹത്യ ചെയ്ത കുമിളി ടൂറിസം പോലീസ് ഉദ്യോഗസ്ഥന്‍ പള്ളിക്കല്‍ പകല്‍ക്കുറി ആറയില്‍ കാര്‍ത്തിക വിലാസത്തില്‍ വിനോദ് കുമാറി (38)ന്റെ പോസ്റ്റുമോര്‍ട്ടം നടത്തി. പാരിപ്പള്ളി മെഡിക്കല്‍ കോളേജിലാണ് നടപടികള്‍ പൂര്‍ത്തിയാക്കിയത്.പനി ബാധിച്ചിരുന്നതിനാല്‍ മോര്‍ച്ചറിയില്‍ സൂക്ഷിച്ചശേഷം രക്തസാമ്പിളുകള്‍ ശേഖരിച്ച്‌ പരിശോധനയ്ക്കായി വൈറോളജി ഇന്‍സ്റ്റിറ്റ്യൂട്ടിലേക്ക് അയക്കുകയായിരുന്നു.തുടര്‍ന്ന് നെഗറ്റീവാണെന്ന് പരിശോധനാ റിപ്പോര്‍ട്ട് ലഭിച്ചു.
പനി ബാധിച്ചിരുന്നതായി 17-ന് രാവിലെ വാടക വീട്ടില്‍ തൂങ്ങിമരിക്കും മുന്‍പ് വിനോദ് കുമാര്‍ ഭാര്യയോടും സുഹൃത്തുക്കളോടും പറഞ്ഞിരുന്നു. ഇത് സംശയത്തിന് ഇടയാക്കിയിരുന്നു. തുടര്‍ന്നാണ് രക്തസാമ്പിളുകള്‍ പരിശോധനയ്ക്ക് അയച്ചത്.
തുടര്‍ന്ന് പോസ്റ്റുമോര്‍ട്ടം നടപടികള്‍ പൂര്‍ത്തിയാക്കി മൃതദേഹം മോര്‍ച്ചറിയില്‍ സൂക്ഷിച്ചിരിക്കുകയാണ്. മൃതദേഹം ഇന്ന് ബന്ധുക്കള്‍ ഏറ്റുവാങ്ങി.
