ദില്ലി : എടിഎമ്മുകളുടെ സര്‍വീസ് ചാര്‍ജ് ഒഴിവാക്കി കേന്ദ്ര സര്‍ക്കാര്‍. കേന്ദ്ര ധനമന്ത്രി നിര്‍മല സീതാരാമനാണ് ഇതു സംബന്ധിച്ച പ്രഖ്യാപനം നടത്തിയത്. അടുത്ത മൂന്നുമാസത്തേക്കു ഡെബിറ്റ് കാര്‍ഡ് ഉപയോഗിച്ച്‌ ഏതു ബാങ്കിന്‍റെ എടിഎമ്മില്‍നിന്നും ആളുകള്‍ക്ക് പണം പിന്‍വലിക്കാവുന്നതാണ് . അധികചാര്‍ജ് ഈടാക്കില്ല.
കൂടാതെ,സേവിംഗ്സ് അക്കൗണ്ടുകളിലെ മിനിമം ബാലന്‍സ് എന്ന നിബന്ധനയും കേന്ദ്രം ഒഴിവാക്കി. മിനിമം ബാലന്‍സ് ഇല്ലാത്തതിന്‍റെ പേരില്‍ വിവിധ ബാങ്കുകള്‍ നേരത്തെ പിഴ ചുമത്തിയിരുന്നു. ഇനി മുതല്‍ ഈ വ്യവസ്ഥ ഉണ്ടാകില്ല .
അതേസമയം,2018-19 സാമ്പത്തിക വര്‍ഷത്തെ ആദായനികുതി റിട്ടേണ്‍ സമര്‍പ്പിക്കുന്നതിനുളള സമയപരിധിയും,ജിഎസ്ടി റിട്ടേണ്‍ സമര്‍പ്പിക്കാനുളള കാലാവധിയും നീട്ടിയിട്ടുണ്ടെന്നും ധനമന്ത്രി വ്യക്തമാക്കി .
