കാസര്‍കോട്: വിദേശത്ത് നിന്നെത്തിയവര്‍ നിരീക്ഷണത്തില്‍ കഴിയാന്‍ തയ്യാറാകാതെ ജില്ലയില്‍ കറങ്ങി നടന്നത് ആരോഗ്യപ്രവര്‍ത്തകര്‍ക്ക് തലവേദനഉണ്ടാക്കുന്നു. ഇവിടെ കൂടുതല്‍ കൊറോണ രോഗികള്‍ വ്യാപകമായ ജനസ മ്പര്‍ക്കം നടത്തിയെന്നും കണ്ടെത്തി.
ഇതിനുപിന്നാലെ കൊവിഡ് സ്ഥിരീകരിച്ചവരുടെ റൂട്ട് മാപ്പ് തയ്യാറാക്കുന്നത് അവസാനിപ്പിക്കാന്‍ ആരോഗ്യപ്രവര്‍ത്തകര്‍ തീരുമാനിച്ചു. രോഗബാധിതരും നിരീക്ഷണത്തില്‍ കഴിയാന്‍ നിര്‍ദേശിക്കപ്പെട്ടവരായിരുന്നു. ഇത് ചെവിക്കൊള്ളാതെ കറങ്ങി നടന്നത് എല്ലാ പ്രതിരോധ പ്രവര്‍ത്തനങ്ങളേയും അട്ടിമറിച്ചിരിക്കുകയാണ്.
രോഗികളുടെ എണ്ണകൂടുതലും സമയനഷ്ടവും കണക്കിലെടുത്താണ് തീരുമാനം.
ജില്ലയില്‍ ലോക് ഡൗണ്‍ പ്രഖ്യാപിച്ചിട്ടുണ്ട്. നിരോധനാജ്ഞ നിലനില്‍ക്കുന്നതിനാല്‍ ആളുകള്‍ കൂട്ടം കൂടി നില്‍ക്കാന്‍ പാടില്ല. കടകള്‍ രാവിലെ 11 മുതല്‍ വൈകിട്ട് അഞ്ച് മണി വരെ മാത്രമേ തുറക്കാവൂ. അവശ്യ സേവനങ്ങള്‍ മാത്രം ലഭ്യമാക്കും.
