ആലപ്പുഴ: ചെങ്ങന്നൂർ തിരുവൻവണ്ടൂരിൽ നേരിയ ഭൂചലനം. ഒന്നര മിനിറ്റ് നീണ്ട ഭൂചലനം വീടുകളുടെ ചുമരുകളിൽ വിള്ളൽ ഉണ്ടാക്കി.തിരുവൻവൻണ്ടൂർ പഞ്ചായത്തിലെ 4 ,5 ,12 വാർഡുകളിലാണ് ഭൂചലനം അനുഭവപ്പെട്ടത്.
തിരുവൻവണ്ടൂർ ആങ്ങായിൽ ഭാഗത്ത് ആണ് നേരിയ ഭൂകമ്പം ഉണ്ടായത്. വീടുകൾക്ക് വീടുകളുടെ ചുമരുകളിൽ വിള്ളൽ ഉണ്ടായിട്ടുണ്ട്. ഉച്ചയ്ക്ക്ഏകദേശം 12:45 ഓടെ ആയിരുന്നു ഭൂചലനം ഉണ്ടായത്.
ഉഗ്രശബ്ദം കേട്ട് വീട്ടിനകത്ത് ഉണ്ടായിരുന്നവർ പുറത്തേയ്ക്ക് ഓടിയിറങ്ങുകയായിരുന്നു. ആളപായമില്ല. ആങ്ങായിൽ ഭാഗത്ത് മിക്ക വീടുകളുടെയും ചുവരുകൾക്ക് വിള്ളലുണ്ടായിട്ടുണ്ട്. റവന്യു സംഘം സ്ഥലത്തെത്തി അന്വേഷണം ആരംഭിച്ചു. കൂടുതൽ വിവരങ്ങൾ പരിശോധനയിലൂടെ മാത്രമേ ലഭ്യമാകുകയുള്ളു.
