ലണ്ടന്: ആരോഗ്യനില മെച്ചപ്പെട്ടതിനെ തുടര്ന്ന് വൈറസ് ബാധിതനായിരുന്ന ബ്രിട്ടീഷ് പ്രധാനമന്ത്രി ബോറിസ് ജോണ്സണെ തീവ്രപരിചരണ വിഭാഗത്തില് നിന്ന് മാറ്റി. ഐസിയുവില് നിന്ന് മാറ്റിയെങ്കിലും അദ്ദേഹം ആശുപത്രിയില് തന്നെ തുടരും. ‘വ്യാഴാഴ്ച വൈകീട്ടോടെയാണ് തീവ്രപരിചരണ വിഭാഗത്തില് നിന്ന് വാര്ഡിലേക്ക് മാറ്റിയത്. സുഖംപ്രാപിക്കുന്നതിന്റെ ആദ്യ ഘട്ടമായതിനാല് അദ്ദേഹം നിരീക്ഷണത്തില് തന്നെ തുടരും. ഇപ്പോള് മികച്ച നിലയിലാണ്’ എന്നാണ് യുകെ സര്ക്കാര് വക്താവ് അറിയിച്ചത്.
കൊറോണ സ്ഥിരീകരിച്ച് പത്ത് ദിവസത്തിന് ശേഷമായിരുന്നു ബോറിസ് ജോണ്സണെ തീവ്രപരിചരണ വിഭാഗത്തിലേക്ക് മാറ്റിയത്. ആവശ്യമെങ്കില് വെന്റിലേറ്റര് സൗകര്യം വേഗത്തില് ഉറപ്പിക്കാനാണ് ഐസിയുവിലേക്ക് മാറ്റിയതെന്നായിരുന്നു വിശദീകരണം.