ലോകത്ത് കോവിഡ് ബാധിതരുടെ എണ്ണം ഒരു കോടി കവിഞ്ഞു. ഇതുവരെ ഒരു കോടി മൂന്ന് ലക്ഷത്തി എണ്പത്തി ഒന്പതിനായിരം പേര്ക്കാണ് രോഗ ബാധ സ്ഥിരീകരിച്ചിരിക്കുന്നത് . 5,07000 പേരാണ് ലോകത്തിതുവരെ വൈറസ് ബാധിച്ച് മരിച്ചത്. 56.45 ലക്ഷം പേര് രോഗമുക്തി നേടി.
അമേരിക്കയില് രോഗബാധിതരുടെ എണ്ണം 26.75 ലക്ഷം കവിഞ്ഞു. 1,28,752 പേരാണ് അമേരിക്കയില് ഇതുവരെ മരിച്ചത്. ബ്രസീലില് 13.68 ലക്ഷം പേരാണ് രോഗബാധിതരായത്. ബ്രസീലില് കോവിഡ് ബാധിച്ച് മരിച്ചവര് അന്പത്തി എണ്ണായിരത്തി മുന്നൂറ്റി പതിനാല്. 24 മണിക്കൂറിനിടെ 656 പേരാണ് രോഗ ബാധയെ തുടർന്ന് ഇവിടെ മരിച്ചത്.
അതേസമയം, കോവിഡ് ഭീതിയില് നിന്നും ലോകം മുക്തമാകാന് മാസങ്ങളെടുക്കുമെന്ന് ലോകാരോഗ്യസംഘടന അറിയിച്ചു. വലിയ വിപത്തുകള് വരാനിരിക്കുന്നതേയുള്ളുവെന്നാണ് ലോകാരോഗ്യസംഘടനയുടെ മുന്നറിയിപ്പ് .