ജമ്മു : ലോക്ഡൗണിലും സുരക്ഷാ ഭീഷണി ഉയര്‍ത്തി തീവ്രവാദികള്‍. ജമ്മു കാശ്മീരിലെ ഷോപ്പിയാനില്‍ ഉണ്ടായ ഏറ്റുമുട്ടലില്‍ സുരക്ഷസേന ഒരു ഭീകരനെ വധിച്ചു. ദൈരു കീഗം ഗ്രാമത്തില്‍ ഭീകരര്‍ ഒളിച്ചിരിക്കുന്നുണ്ടെന്ന് രഹസ്യവിവരത്തിന്റെ അടിസ്ഥാനത്തില്‍ വെള്ളിയാഴ്ച പുലര്‍ച്ച നടത്തിയ തിരച്ചിലിനിടെയാണ് ഏറ്റുമുട്ടലുണ്ടായത്.
ജമ്മു കാശ്മീരില്‍ സുരക്ഷാ സേനയും തീവ്രവാദികളും തമ്മില്‍ കനത്ത ഏറ്റുമുട്ടല്‍ നടക്കുകയാണ്.
രാജ്യമൊട്ടാകെ നിശ്ചലമായിരിക്കുന്ന അവസ്ഥയിലും സാഹചര്യം മുതലെടുത്ത് ഭീകരര്‍ അക്രമമഴിച്ചു വിടുകയാണ്.സൈന്യവും പോലീസും ചേര്‍ന്നു ദിവസേന നടത്തുന്ന സംയുക്ത തിരച്ചിലിനിടെയാണ് തീവ്രവാദികളുള്ള സ്ഥലം കണ്ടെത്തിയത്.
സൈന്യത്തിന്റെ സാന്നിദ്ധ്യം അറിഞ്ഞ് ഭീകരര്‍ വെടിവയ്ക്കുകയായിരുന്നു.ഇതിനു പിന്നാലെ സൈന്യവും ശക്തമായി തിരിച്ചടിച്ചു.ഏറ്റുമുട്ടല്‍ തുടരുന്നുവെന്ന് പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്യുന്നു.
