ദില്ലി: സിബിഎസ്ഇ 12-ാം ക്ലാസ് പരീക്ഷയുടെ ഫലം പ്രസിദ്ധീകരിച്ചു. കേന്ദ്രമന്ത്രി രമേശ് പൊഖ്രിയാല് നിഷാങ്കാണ് ഇക്കാര്യം അറിയിച്ചത്. വിദ്യാര്ഥികള്ക്ക് cbseresults.nic.in എന്ന വെബ്സൈറ്റില്നിന്ന് ഫലം അറിയാം.
88.78 ശതമാനമാണ് വിജയം. 92.15 ശതമാനം പെണ്കുട്ടികളും 86.15 ശതമാനം ആണ്കുട്ടികളും വിജയിച്ചു. മാര്ക്ക് അടിസ്ഥാനത്തിലുള്ള മെറിറ്റ് ലിസ്റ്റ് ഇത്തവണ ഉണ്ടായിരിക്കില്ല.
തിരുവനന്തപുരം മേഖലയിലാണ് കൂടിയ വിജയശതമാനം (97.67).
കോവിഡ് പശ്ചാത്തലത്തില് നിരവധി പ്രതിസന്ധികള്ക്ക് നടുവിലായിരുന്നു ഇത്തവണ പരീക്ഷകള് നടന്നത്. പരീക്ഷ നടത്താത്ത വിഷയങ്ങള്ക്ക് ഇന്റേണല് അസസ്മെന്റിന്റെയും നേരത്തെ നടത്തിയ പരീക്ഷകളുടെയും അടിസ്ഥാനത്തിലാണ് മൂല്യനിര്ണയം നടത്തിയത്.