ദില്ലി: 13കാരിയെ കുളിമുറിയില്‍ മരിച്ച നിലയില്‍ കണ്ടെത്തി. ദില്ലിയിലെ ദ്വാരകയിലാണ് സംഭവം.
കുളിമുറിയിലെ ഹീറ്ററില്‍ നിന്ന് ചോർന്ന കാര്‍ബണ്‍ മോണോക്സൈഡ് ചോര്‍ന്നതാണ് മരണ കാരണമെന്നാണ് ദില്ലി പോലീസ് പറഞ്ഞത്.
കുളിക്കാന്‍ കയറിയ 13കാരിയെ ഏറെ നേരം കഴിഞ്ഞിട്ടും കാണാതായതോടെ വീട്ടുകാര്‍ അന്വേഷിച്ചപ്പോഴാണ് ബോധരഹിതയായ നിലയില്‍ കണ്ടെത്തിയത്. ഏഴാം ക്ലാസ് വിദ്യാര്‍ഥിനിയായ പെണ്‍കുട്ടിയെ ഉടന്‍ ആശുപത്രിയില്‍ എത്തിച്ചെങ്കിലും മരണപ്പെടുകയായിരുന്നു. മകള്‍ കുളിക്കാന്‍ വേണ്ടി കുളിമുറിയില്‍ കയറിയതാണെന്നും ഒരു മണിക്കുര്‍ കഴിഞ്ഞിട്ടും മകളെ കാണാതായപ്പോള്‍ വാതില്‍ തല്ലിത്തകര്‍ത്ത് അകത്തേക്ക് കയറിയതാണെന്നും കുട്ടിയുടെ പിതാവ് പറഞ്ഞു.
കാര്‍ബണ്‍ മോണോക്സൈഡ് വാതകം ശ്വസിച്ചതാണ് മരണകാരണമെന്ന് പോസ്റ്റ്മോര്‍ട്ടം റിപ്പോർട്ടിൽ വ്യക്തമായതായി പോലീസ് പറഞ്ഞു.
