ഗുണ്ടൂർ: ആന്ധ്രാപ്രദേശിലെ ഗുണ്ടൂരിൽ ആന്ധ്രാ മുൻ മുഖ്യമന്ത്രിയും ടിഡിപി അദ്ധ്യക്ഷനുമായ എൻ. ചന്ദ്രബാബു നായിഡു നടത്തിയ റാലിക്കിടെ തിക്കിലും തിരക്കിലും പെട്ട് മൂന്ന് പേർ മരിച്ചു. . നിരവധി പ്രവർത്തകർക്ക് പരിക്കേറ്റു. പരിക്കേറ്റവരെ ആശുപത്രിയിൽ പ്രവേശിപ്പിച്ചിരിക്കുകയാണ്. ഗുണ്ടൂർ എസ്പിയാണ് ഇക്കാര്യം ഔദ്യോഗികമായി സ്ഥിരീകരിച്ചത് .
കഴിഞ്ഞ ദിവസം നെല്ലൂരിൽ നടത്തിയ ടിഡിപി റാലിക്കിടെയിലും തിക്കിലും തിരക്കിലും പെട്ട് എട്ട് പേർ മരിച്ചിരുന്നു. ഓട മൂടിയ സ്ലാബ് തകർന്ന് പ്രവർത്തകർ അതിലേക്ക് വീഴുകയായിരുന്നു. സംഭവത്തിൽ നിരവധി പേർക്ക് പരിക്കേൽക്കുകയും ചെയ്തു. ഇത് നടന്ന് ഒരാഴ്ച പിന്നിടുന്നതിന് മുമ്പാണ് രണ്ടാമത്തെ ദുരന്തമുണ്ടായിരിക്കുന്നത്.
