പാലക്കാട്‌ : അട്ടപ്പാടി പുതൂർ പഞ്ചായത്തിലെ ദൊഡ്ഡുഗട്ടിയിൽ കാട്ടാനയുടെ ആക്രമണത്തിൽ 4 പേർക്ക് പരിക്ക്. ദൊഡ്ഡുഗട്ടി സ്വദേശികളായ മുരുകേശൻ , സെൽവൻ , പഴനി സ്വാമി, പണലി എന്നിവർക്കാണ് ആക്രമണത്തിൽ പരിക്കേറ്റത്.
രണ്ടു ബൈക്കുകളിലായി സഞ്ചരിച്ചിരുന്ന ഇവരെ സമീപത്തെ ഊരിൽ ഇറങ്ങിയ കാട്ടാന ആക്രമിക്കുകയായിരുന്നു. ഇരുചക്രവാഹനം തുമ്പിക്കൈ കൊണ്ട് ആന എടുത്ത് എറിഞ്ഞു.
പരിക്കേറ്റ നാലുപേരും അഗളിയിലെ സ്വകാര്യ ആശുപത്രിയിൽ ചികിത്സയിലാണ്.
