ദില്ലി: 41-ാമത് ജിഎസ്ടി കൗണ്‍സിൽ യോഗം ഇന്നു ചേരും. സംസ്ഥാനങ്ങൾക്കുള്ള നഷ്ടപരിഹാര വിതരണത്തിനു പണം കണ്ടെത്തുന്നത് സംബന്ധിച്ചാകും ചർച്ച നടക്കുക. വീഡിയോ കോണ്ഫറൻസിംഗിലൂടെയാണ് യോഗം.
സെസ് ഇടിഞ്ഞതോടെ സംസ്ഥാനങ്ങൾക്കുള്ള നഷ്ടപരിഹാരത്തുക നൽകാനുളള പണമില്ലെന്ന നിലപാടിലാണു കേന്ദ്രം. എന്നാൽ പൊതു വിപണിയിൽനിന്നു കേന്ദ്രം കടമെടുത്ത് നഷ്ടപരിഹാരം നൽകണമെന്നാണു സംസ്ഥാനങ്ങളുടെ ആവശ്യം. ചര്‍ച്ചയില്‍ ഇന്ന് സംസ്ഥാനങ്ങളുടെ ആവശ്യം അംഗീകരിക്കാൻ സാധ്യതയുണ്ട്.
