Monday, November 16, 2026

നിറയെ യാത്രക്കാരുള്ള ബോട്ടില്‍ കൂറ്റന്‍ ചരക്കുകപ്പല്‍ ഇടിച്ച് കയറി; അഞ്ചു പേർക്ക് ദാരുണാന്ത്യം; നിരവധി പേരെ കാണാതായി; ഞെട്ടിക്കുന്ന വീഡിയോ കാണാം

ധാക്ക: ബംഗ്ലാദേശില്‍ ചരക്കുകപ്പല്‍ യാത്രാബോട്ടില്‍ ഇടിച്ച് അഞ്ചുപേർക്ക് ദാരുണാന്ത്യം. ബംഗ്ലാദേശ് തലസ്ഥാനമായ ധാക്കയ്ക്കു സമീപം, ഷിതലക്ഷ്യ നദിയില്‍ ഞായറാഴ്ചയാണ് സംഭവം. ബോട്ടില്‍ (Boat) അറുപതിലധികം യാത്രക്കാരുണ്ടായിരുന്നെന്നാണ് വിവരം. രൂപ്ഷി-9 എന്ന ചരക്കു കപ്പലാണ് എംവി അഫ്‌സറുദ്ദീന്‍ എന്ന ബോട്ടില്‍ ഇടിച്ചത്.

അപകടത്തില്‍ നിരവധിപേരെ കാണാതായതായി ബംഗ്ലാദേശ് പൊലീസിനെ ഉദ്ധരിച്ച് മാധ്യമങ്ങൾ റിപ്പോർട്ട് ചെയ്യുന്നു. സംഭവത്തിന്റെ വീഡിയോ പുറത്തെത്തിയിട്ടുണ്ട്. കപ്പല്‍, നദിയിലൂടെ ബോട്ടിനെ തള്ളിക്കൊണ്ട് മുന്നോട്ടുനീങ്ങുന്നതും ബോട്ട് ക്രമേണ പൂര്‍ണമായി മുങ്ങുന്നതും വീഡിയോയില്‍ കാണാം. ബോട്ട് പൂര്‍ണമായും മുങ്ങിയതിനു ശേഷമാണ് കപ്പല്‍ നില്‍ക്കുന്നത്. അപകടത്തില്‍ ഒരു പുരുഷന്റെയും മൂന്ന് സ്ത്രീകളുടെയും ഒരു കുഞ്ഞിന്റെയും മൃതദേഹം കണ്ടെടുത്തതായി ഞായറാഴ്ച ബംഗ്ലാദേശ് പോലീസ് അറിയിച്ചു.

Related Articles

Latest Articles