ഇന്ത്യൻ സിനിമാ ലോകം ഏറെ ആകാംക്ഷയോടെ കാത്തിരിക്കുന്ന ചിത്രമാണ് കെജിഎഫ് 2. ചിത്രത്തിന്റെ ഒന്നാം ഭാഗം സിനിമാ ലോകത്ത് ഉണ്ടാക്കിയ ഓളം ചെറുതല്ല. മാത്രമല്ല ആദ്യഭാഗം വൻ ഹിറ്റായിരുന്നു. ആദ്യഭാഗം ഹിറ്റായ പ്രതീക്ഷയില് ചിത്രത്തിന്റെ എല്ലാ വാര്ത്തകൾക്കും വലിയ സ്വീകാര്യതയാണ് ലഭിക്കുന്നത്. മൂന്ന് വര്ഷങ്ങള്ക്കിപ്പുറം ചിത്രത്തിന്റെ രണ്ടാം ഭാഗം തിയറ്ററുകളിലെത്താന് ഒരുങ്ങുകയാണ്. ഏപ്രിൽ 14നാണ് കെജിഎഫ് 2 റിലീസ്. യഷ് നായകനാകുന്ന ചിത്രം കന്നഡ, തെലുങ്ക്, തമിഴ്, മലയാളം, ഹിന്ദി ഭാഷകളിൽ റിലീസിനെത്തും.
എന്നാൽ ലോകത്തെങ്ങാനും തരംഗം തീര്ത്ത ആദ്യ ഭാഗം തിയറ്ററുകളില് കാണാന് സാധിക്കാതിരുന്ന വലിയൊരു വിഭാഗം പ്രേക്ഷകര് ഉണ്ടായിരുന്നു. അതിനാൽ അവരെ മുന്നില്ക്കണ്ട് ആദ്യഭാഗം തിയറ്ററുകളില് വീണ്ടും എത്തിച്ചിരിക്കുകയാണ് നിര്മ്മാതാക്കള്. കെജിഎഫ് ചാപ്റ്റര് 1 കന്നഡയ്ക്കു പുറമെ തെലുങ്ക്, തമിഴ്, മലയാളം പതിപ്പുകള് തെരഞ്ഞെടുത്ത തിയറ്ററുകളില് ഇന്നു മുതല് കാണാനാവും.
നിര്മ്മാതാക്കള് നേരത്തെ പുറത്തുവിട്ട ലിസ്റ്റ് അനുസരിച്ച് ആദ്യ ഭാഗം മലയാളം പതിപ്പിന് ഒരു സ്ക്രീന് മാത്രമാണ് ഉള്ളത്. കൊച്ചി ലുലു മാളിലെ പിവിആര് മള്ട്ടിപ്ലെക്സിലാണ് കെജിഎഫ് ചാപ്റ്റര് 1 മലയാളം പതിപ്പ് റീ റിലീസ് ചെയ്തിരിക്കുന്നത്. എന്നാൽ കന്നഡ പതിപ്പ് 13 സ്ക്രീനുകളിലും തെലുങ്ക് പതിപ്പ് ആറ് സ്ക്രീനുകലിലും തമിഴ് പതിപ്പ് നാല് സ്ക്രീനുകളിലും റിലീസ് ചെയ്തു.
മറ്റൊരു വാർത്ത കെജിഎഫ് ചാപ്റ്റര് 2 ഐമാക്സ് ഫോര്മാറ്റിലും റിലീസ് ചെയ്യും. എന്നാൽ ഒരു കന്നഡ ചിത്രത്തിന്റെ ആദ്യ ഐമാക്സ് റിലീസ് ആണ് ഇത്. സാധാരണ ഫോര്മാറ്റില് ഉള്ള റിലീസിനേക്കാള് ഒരു ദിവസം മുന്പേ ഐമാക്സില് പ്രദര്ശനത്തിനെത്തും എന്നതും പ്രത്യേകതയാണ്. 13നാണ് ഐമാക്സ് റിലീസ്.
ചിത്രത്തിന്റെ രണ്ടാം ഭാഗത്തിൽ വില്ലന് അധീരയായി എത്തുന്നത് ബോളിവുഡ് താരം സഞ്ജയ് ദത്ത് ആണ്. 1951 മുതൽ വർത്തമാനകാലം വരെയുള്ള കഥയാണ് രണ്ടാം ഭാഗത്തിൽ പറയുന്നത്. ജൂലൈ 16ന് കെജിഎഫ് 2 റിലീസ് ചെയ്യുമെന്നായിരുന്നു പ്രഖ്യാപനം. കൊവിഡ് മഹാമാരി കാരണം റിലീസ് മാറ്റിവെക്കുകയായിരുന്നു. പുതിയ റിലീസ് തിയ്യതി അടുത്ത് തന്നെ പ്രഖ്യാപിക്കുമെന്നാണ് പ്രതീക്ഷിക്കുന്നത്. പൃഥ്വിരാജിന്റെ നിർമ്മാണ കമ്പനിയായ പൃഥ്വിരാജ് പ്രൊഡക്ഷൻസ് ആണ് ചിത്രം കേരളത്തിൽ എത്തിക്കുന്നത്. സഞ്ജയ് ദത്ത്, രവീണ ടണ്ഠൻ, ശ്രീനിധി ഷെട്ടി എന്നിവരാണ് മറ്റു പ്രധാന വേഷങ്ങളിൽ എത്തുന്നത്. രവീണ ശക്തമായ ഒരു കഥാപാത്രത്തെ അവതരിപ്പിക്കും. യഷിന്റെ കാമുകിയുടെ വേഷമാവും ശ്രീനിധിയുടേത്.