തിരുവനന്തപുരം: സംസ്ഥാനത്തെ പ്ലസ് വൺ പരീക്ഷ തിയതിൽ മാറ്റം. പ്ലസ് വണ് മാതൃകാ പരീക്ഷ ജൂണ് 2ന് തുടങ്ങും.പ്ലസ് വണ് പൊതു പരീക്ഷ ജൂണ് 13 മുതല് 30 വരെ നടത്തുമെന്നും വിദ്യാഭ്യാസമന്ത്രി വി ശിവൻകുട്ടി അറിയിച്ചു.
പ്ലസ് വണ് പരീക്ഷയ്ക്ക് ഫോക്കസ് ഏരിയ ഇല്ല. ഈ സൗകര്യം നോക്കിയാണ് പരീക്ഷ തിയതി നീട്ടിയിരിക്കുന്നത്. മെയ് രണ്ടാം വാരം മുതല് അധ്യാപകര്ക്ക് പരിശീലനം നല്കും. അക്കാദമിക് നിലവാരം മെച്ചപ്പെടുത്താനാണ് പരിശീലനം. ഒന്ന് മുതല് പത്ത് വരെ ക്ലാസ്സുകളിലായുള്ള 1.34 ലക്ഷം അധ്യാപകര്ക്കാണ് പരിശീലനം നല്കുന്നത്.
ഒന്നാം ക്ലാസ് പ്രവേശനം ഏപ്രില് 27 മുതല് ആരംഭിക്കും. ജൂണ് ഒന്നിന് പ്രവേശനോത്സവം നടത്തും. ഏപ്രില് 28ന് പാഠപുസ്തക വിതരണം ഉദ്ഘാടനം ചെയ്യും. 7077 സ്കൂളുകളില് 9,57,060 കുട്ടികള്ക്ക് കൈത്തറി യൂണിഫോമുകള് വിതരണം ചെയ്യും. മെയ് 6ന് സംസ്ഥാനതല ഉദ്ഘാടനം നടക്കും.
