മലപ്പുറം: പേവിഷ പ്രതിരോധ യജ്ഞത്തിന്റെ ഭാഗമായി ജില്ലയിലെ വിവിധ ഭാഗങ്ങളില് വളര്ത്തു മൃഗങ്ങളില് പ്രതിരോധ കുത്തിവെപ്പ് ഊര്ജിതമാക്കി. 2022 സെപ്തംബര് ഒന്ന് മുതല് നടന്ന മുന്നൂറിലധികം ക്യാമ്പുകളിലായി ഏകദേശം നാലായിരത്തി അഞ്ഞൂറോളം നായകള്ക്കും രണ്ടായിരത്തി അഞ്ഞൂറോളം പൂച്ചകള്ക്കും പേവിഷ പ്രതിരോധ കുത്തിവെപ്പ് നടത്തി.
വരും ദിവസങ്ങളില് ഓരോ പഞ്ചായത്തിലെയും നഗരസഭകളിലേയും വാര്ഡ്തലത്തില് ക്യാമ്പുകള് സംഘടിപ്പിച്ച് മുഴുവന് വളര്ത്തുനായകള്ക്കും പൂച്ചകള്ക്കും പേവിഷ പ്രതിരോധ കുത്തിവെപ്പ് നല്കി.
പ്രതിരോധ കുത്തിവയ്പ്പിന്റെ സര്ട്ടിഫിക്കറ്റ് വിതരണം ചെയ്ത് പഞ്ചായത്ത്/നഗരസഭാ തലത്തില് ലൈസന്സ് എടുക്കുന്നതിനുള്ള നടപടികള്ക്ക് ജില്ലയിലെ മുഴുവന് വെറ്ററിനറി ഡോക്ടര്മാര്ക്കും നിര്ദേശം നല്കിയതായി ജില്ലാ മൃഗ സംരക്ഷണ ഓഫീസര് ഡോ.പിയു.അബ്ദുള് അസീസ് അറിയിച്ചു.

