തമിഴ്നാട് : അന്തരിച്ച മുന് സൈനിക മോധാവി ബിപിന് റാവത്തിന്റെ ഓർമ്മയ്ക്കായി പഞ്ചലോഹ പ്രതിമ ഒരുക്കാൻ എക്സ്-സര്വീസ്മെന് അസോസിയേഷൻ.തമിഴ്നാട്ടിലെ കടലൂര് ജില്ലയില് നിന്നുള്ള അസോസിയേഷൻ ആണ് അദ്ദേഹത്തിന്റെ ഓര്മ്മക്കായി പ്രതിമ നിര്മ്മിക്കാന് കലാകാരന്മാരെ നിയോഗിച്ചത്. ഇതിനായി അസോസിയേഷന് അംഗങ്ങള് അഞ്ച് ലക്ഷം രൂപ സംഭാവന നല്കുകയും ചെയ്തു . പ്രതിമയ്ക്ക് 4 അടി ഉയരവും 150 കിലോ ഭാരവുമുണ്ടാകും.
2021 ഡിസംബര് 8 നാണ് കൂനൂരില് നടന്ന ഹെലികോപ്റ്റര് അപകടത്തില് ബിപിന് റാവത്തും ഭാര്യയും മരിച്ചത്. ഇന്ത്യയുടെ ആദ്യത്തെ സിഡിഎസ് ആയും ഇന്ത്യന് ആര്മിയുടെ 27-ാമത് മേധാവിയായുമാണ് അദ്ദേഹം സേവനമനുഷ്ഠിച്ചിരുന്നത്.ദില്ലിയിലെ പ്രതിരോധ ആസ്ഥാനത്ത് പ്രതിമ സ്ഥാപിക്കാനുള്ള അസോസിയേഷന്റെ നിര്ദ്ദേശം ഈ വര്ഷം മേയില് അംഗീകരിച്ചിരുന്നു, എന്നാല് ജൂണില്, നിര്ദ്ദേശം അവലോകനത്തിലാണെന്ന് ഉദ്യോഗസ്ഥരുടെ മറ്റൊരു കത്തില് അറിയിപ്പ് ലഭിച്ചു. ഒരു സൈനിക മേധാവിക്ക് വേണ്ടി പണിയുന്ന ലോകത്തെ ആദ്യത്തെ പ്രതിമയാകും ഇതെന്നാണ് സംഘടന അവകാശപ്പെടുന്നത്.