തിരുവനന്തപുരം ,കൊല്ലം ജില്ലകളില് അതിശക്തമായ മഴക്ക് സാധ്യതയുള്ളതിനാല് കാലാവസ്ഥാവകുപ്പ് ഓറഞ്ച് അലേര്ട്ട് പ്രഖ്യാപിച്ചു. ദക്ഷിണ ശ്രീലങ്ക തീരത്തിനടുത്തായി തെക്ക് പടിഞ്ഞാറു ബംഗാള് ഉള്ക്കടലില് ഒരു ന്യൂനമര്ദ്ദ മേഖല രൂപംകൊണ്ടിട്ടുണ്ട്. ഇത് 29 ന് കന്യാകുമാരി മേഖലക്ക് മുകളിലായി കൂടുതല് ശക്തി പ്രാപിക്കാനും 31 ന് ലക്ഷദ്വീപ്- മാലദ്വീപ് മേഖലയ്ക്ക് മുകളിലായി അതിതീവ്ര ന്യൂനമര്ദ്ദമാകാനും സാധ്യതയുണ്ട്. ഈ ന്യൂനമര്ദ്ദത്തിന്റെ പ്രഭാവത്തില് കേരള ലക്ഷദ്വീപ് തീരത്തിനിടയില് കടല് വരും മണിക്കൂറുകളില് പ്രക്ഷുബ്ധമാകാനാണ് സാധ്യത.
മല്സ്യത്തൊഴിലാളികള് ഇന്നുമുതല് ഒരു കാരണവശാലും കേരളം തീരത്തും കന്യാകുമാരി- മാലദ്വീപ് ലക്ഷദ്വീപ് തീരത്തും മത്സ്യബന്ധനത്തിന് പോകരുത്. പോയവര് ഏറ്റവും അടുത്തുള്ള തീരത്ത് എത്രയും വേഗം എത്തിച്ചേരേണ്ടതാണെന്ന് ദുരന്തനിവാരണ അതോറിട്ടി അറിയിച്ചു