ദില്ലി: സിയാച്ചിനില്‍ മഞ്ഞുമല ഇടിഞ്ഞ് വീണ് സൈനികന്‍ മരിച്ചു. തിരുവനന്തപുരം കാട്ടാക്കട പൂവച്ചല്‍ കുഴക്കാട് കല്ലണമുഖം ശ്രീശൈലത്തില്‍ അഖില്‍ എസ് എസ് ആണ് മരിച്ചത്. കരസേനയില്‍ നായിക് ആയ അഖില്‍ നഴ്സിംഗ് അസിസ്റ്റന്റ് ആയിരുന്നു.
സുദര്‍ശനന്‍- സതികുമാര്‍ ദമ്പതികളുടെ മകനായ അഖില്‍ പത്തുവര്‍ഷമായി കരസേനയില്‍ സേവനം അനുഷ്ഠിക്കുന്നു. ഗീതുവാണ് ഭാര്യ, ദേവനാഥാണ് മകന്‍. മകന്‍ ദേവനാഥിന്റെ ഒന്നാം പിറന്നാളിനു അവധിക്കെത്തിയ അഖില്‍ ഒക്ടോബറില്‍ ആണ് ജോലിയില്‍ തിരികെ പ്രവേശിച്ചത്. നടപടികള്‍ക്ക് ശേഷം മൃതദേഹം വ്യാഴാഴ്ച രാവിലെയോടെ നാട്ടിലെത്തിക്കും.
