ദില്ലി: ഇന്ത്യയിലെത്തിയ 15 ഇറ്റാലിയന് വംശജര്ക്ക് കൊറോണ(കൊവിഡ് 19) ബാധിച്ചതായി സ്ഥിരീകരിച്ചു. ഇന്നലെയാണ് 21 പേരെ നിരീക്ഷണ ക്യാമ്പിലേക്ക് മാറ്റിയത്. എയിംസില് നടത്തിയ പരിശോധനയിലാണ് ഫലം പോസിറ്റീവായി കണ്ടെത്തിയത്. ഇതോടെ രാജ്യത്ത് രോഗം ബാധിച്ചവരുടെ എണ്ണം 18 ആയി. ഇറ്റലിയില്നിന്ന് ജയ്പുര് സന്ദര്ശിക്കാനെത്തിയ വിനോദ സഞ്ചാരികള്ക്കാണ് കൊറോണ സ്ഥിരീകരിച്ചത്. കേന്ദ്ര ആരോഗ്യമന്ത്രാലയമാണ് ഇക്കാര്യം അറിയിച്ചത്.
കൊറോണ വൈറസ് ബാധയെ നേരിടുന്നതിനായി വിപുലമായ തയ്യാറെടുപ്പുകള് സ്വീകരിച്ചതായി പ്രധാനമന്ത്രി നരേന്ദ്ര മോദി കഴിഞ്ഞ ദിവസം പറഞ്ഞിരുന്നു. ‘കൊവിഡ് -19 നോവല് കൊറോണ വൈറസിനെക്കുറിച്ച് വിപുലമായ അവലോകനം നടത്തി. ഇന്ത്യയിലെത്തുന്നവരെ പരിശോധിക്കുന്നത് മുതല് വൈദ്യസഹായം നല്കുന്നത് വരെ വിവിധ മന്ത്രാലയങ്ങളും സംസ്ഥാനങ്ങളും ഒരുമിച്ച് പ്രവര്ത്തിക്കുന്നു,’ അദ്ദേഹം ട്വീറ്റില് പറഞ്ഞു.
മാര്ച്ച് എട്ട് ഞായറാഴ്ച മുതല് ഒരു മാസത്തേക്ക് യുഎഇയിലെ എല്ലാ സ്കൂളുകള്ക്കും വിദ്യാഭ്യാസ മന്ത്രാലയം അവധി പ്രഖ്യാപിച്ചു. അവധി മുന്നിറുത്തി വിദൂര പഠന സംരംഭം ആരംഭിക്കുന്നതിനെ കുറിച്ചും മന്ത്രാലയം പ്രഖ്യാപിച്ചിട്ടുണ്ട്.
