ദില്ലി: പാരാലിംപിക്സില് മെഡല് നേടിയ ആദ്യ ഇന്ത്യന് വനിതാ കായികതാരമായ ദീപ മാലിക് ബിജെപിയില് ചേര്ന്നു. അര്ജുന അവാര്ഡ് ജേതാവായ ദീപ മാലിക് 2016 ലെ പാരാലിംപിക്സില് ഷോട്ട് പുട്ടില് വെള്ളിമെഡല് നേടിയിട്ടുണ്ട്. ഹരിയാനയില് നിന്ന് ലോക്സഭാ തിരഞ്ഞെടുപ്പില് മത്സരിച്ചേക്കും. ആര്.ജെ.ഡിയുടെ ജാര്ഖണ്ഡ് അധ്യക്ഷ അന്നപൂർണ ദേവിയും ബിജെപിയില് ചേര്ന്നു.
ജാര്ഖണ്ഡില് ബിജെപിക്കെതിരായ മഹാസഖ്യത്തിന് ക്ഷീണമുണ്ടാക്കുന്നതാണ് അന്പൂര്ണ ദേവിയുടെ പാര്ട്ടിമാറ്റം. പലാമുവിലെ സ്ഥാനാര്ഥി നിര്ണയ ചര്ച്ചകള് നടക്കുന്നതിനിടെയാണ് പാര്ട്ടി അധ്യക്ഷ തന്നെ മറുകണ്ടം ചാടിയത്. കൊടേര്മയില് ബിജെപി ടിക്കറ്റില് മുന്മന്ത്രി കൂടിയായ അന്നപൂര്ണദേവി മല്സരിച്ചേക്കും.