കൊച്ചി: എറണാകുളത്തിന് പുറമെ വയനാട് ലോക്സഭാ മണ്ഡലത്തിലും മത്സരിക്കുന്നതിന് സരിത എസ് നായര് നാമനിര്ദേശ പത്രിക സമര്പ്പിച്ചു. വയനാട്ടിൽ സ്വതന്ത്ര സ്ഥാനാർത്ഥിയായി മത്സരിക്കാനാണ് സരിത പത്രിക നൽകിയത്.
എറണാകുളത്ത് ഹൈബി ഈഡനെതിരെ മത്സരിക്കുന്നതിന് പുറമേയാണ് വയനാട്ടിൽ കോണ്ഗ്രസ് അധ്യക്ഷന് രാഹുൽ ഗാന്ധിക്കെതിരെയും സരിത മത്സരിക്കുന്നത്. എറണാകുളത്ത് മത്സരിക്കുന്നതിനായി സരിത ഇന്നലെ നാമനിര്ദേശ പത്രിക നല്കിയിരുന്നു. എറണാകുളം ജില്ലാ കളക്ടര് വൈ.സഫിറുള്ള മുന്പാകെ മൂന്ന് സെറ്റ് പത്രികയാണ് സരിത സമര്പ്പിച്ചത്.
എറണാകുളത്ത് ഹൈബി ഈഡനെതിരെയാണ് തന്റെ മത്സരമെന്ന് സരിത നേരത്തെ പറഞ്ഞിരുന്നു. തന്റെ പരാതിയില് കോണ്ഗ്രസ് നേതാക്കള്ക്കെതിരെ അച്ചടക്ക നടപടി സ്വീകരിക്കാത്തതില് പ്രതിഷേധിച്ചാണ് രാഹുലിനെതിരെയുള്ള സരിതയുടെ മത്സരം.