മദ്രാസ്: നികുതി വെട്ടിപ്പ് കേസിൽ സംഗീത സംവിധായകൻ എ ആർ റഹ്മാന് മദ്രാസ് ഹൈക്കോടതിയുടെ നോട്ടീസ്. നികുതി വെട്ടിക്കുന്നതിനായി റഹ്മാൻ മൂന്ന് കോടി വകമാറ്റിയെന്നാണ് ആരോപണം. ആദായ നികുതി വകുപ്പിന്റെ കേസിലാണ് നോട്ടീസ് അയച്ചിരിക്കുന്നത്.
യു കെ കേന്ദ്രമായുള്ള കമ്പനിക്ക് റിംഗ് ടോൺ കംപോസ് ചെയ്ത് നൽകിയതിന് റഹ്മാന് 3.47 കോടി രൂപ പ്രതിഫലം ലഭിച്ചിരുന്നു. 2011-12 ലാണ് സംഭവം. ഈ തുക റഹ്മാൻ അദ്ദേഹം നേതൃത്വം നൽകുന്ന ചാരിറ്റബിൾ ട്രസ്റ്റിലേക്ക് വകമാറ്റാൻ ആവശ്യപ്പെട്ടുവെന്നാണ് ആദായ നികുതി വകുപ്പിന്റെ കണ്ടെത്തൽ. നികുതി വെട്ടിക്കുന്നതിനാണ് ഇങ്ങനെ ചെയ്തതെന്നും ആദായ നികുതി വകുപ്പ് കണ്ടെത്തിയിരുന്നു. ഇതിന്റെ അടിസ്ഥാനത്തിലാണ് റഹ്മാനെതിരെ കേസെടുത്തിരിക്കുന്നത്.