കൊച്ചി : പെരുമ്പാവൂരിൽ നാല് വയസുകാരി മാലിന്യക്കുഴിയിൽ വീണ് മരിച്ചു. കുറ്റിപ്പാടത്തെ പ്ലൈവുഡ് കമ്പനിയിലെ വേസ്റ്റ് കുഴിയിലാണ് കുട്ടി വീണത്. കമ്പനിയിലെ ജീവനക്കാരിയായ പശ്ചിമബംഗാൾ ഹുനൂബയുടെ മകൾ അസ്മിനിയാണ് മാലിന്യക്കുഴിയിൽ വീണ് മരിച്ചത്.
സ്കൂളോ അംഗൻവാടി സൗകര്യമോ ഇല്ലാത്തതുകൊണ്ട് മകളെയും കൂട്ടിയാണ് ഇവർ ജോലിക്ക് പോയിരുന്നത്. ജോലിക്കിടെ അമ്മക്ക് മകളെ കൃത്യമായി ശ്രദ്ധിക്കാൻ കഴിഞ്ഞിരുന്നില്ല. കുട്ടിയുടെ മൃതദേഹം പെരുമ്പാവൂർ താലൂക്ക് ആശുപത്രി മോർച്ചറിയിൽ സൂക്ഷിച്ചിരിക്കുകയാണ്.
