ദുബായ്: 2023 ഏഷ്യ കപ്പ് ക്രിക്കറ്റിന് ആതിഥേയത്വം വഹിക്കാനിരുന്ന പാകിസ്ഥാന് തിരിച്ചടി. ഇപ്പോൾ പാകിസ്ഥാനിൽ നിന്ന് 2023 ഏഷ്യ കപ്പ് ശ്രീലങ്കയിലേക്ക് മാറ്റിയേക്കുമെന്ന റിപ്പോർട്ടാണ് പുറത്തുവരുന്നത്.
2023 ഏഷ്യ കപ്പ് പാകിസ്ഥാനിൽ നടത്താനുള്ള അപേക്ഷ ഏഷ്യന് ക്രിക്കറ്റ് കൗണ്സില് തള്ളി. ഹൈബ്രിഡ് മോഡലില് ഏഷ്യ കപ്പ് നടത്താനാണ് പാകിസ്ഥാൻ തീരുമാനിച്ചിരുന്നത്. എന്നാൽ ഇത് ഏഷ്യന് ക്രിക്കറ്റ് കൗണ്സില് അംഗീകരിച്ചില്ലെന്നാണ് പുറത്തുവരുന്ന റിപ്പോര്ട്ടുകള് വ്യക്തമാക്കുന്നത്. പാകിസ്ഥാന് പകരം ശ്രീലങ്കയിൽ ഏഷ്യ കപ്പ് നടക്കുമെന്നാണ് റിപ്പോർട്ടുകൾ പുറത്തുവരുന്നത്.
