കോഴിക്കോട് : കൊടുവള്ളി കിഴക്കോത്ത് യുവാവിനെ വീട്ടില്നിന്നും തട്ടിക്കൊണ്ടുപോയതായി പരാതി. പരപ്പാറ ആയിക്കോട്ടില് റഷീദിന്റെ മകന് അനൂസ് റോഷനെ(21)യാണ് ഇന്ന് വൈകുന്നേരം നാല് മണിയോടെ ആയുധങ്ങളുമായി കാറില് എത്തിയ സംഘം വീട്ടില്നിന്നും തട്ടിക്കൊണ്ടുപോയത്. തട്ടിക്കൊണ്ടു പോകലിനിടെ ആക്രമി സംഘത്തിന്റെ കത്തി നഷ്ടമായിരുന്നു. ഇത് പോലീസ് കസ്റ്റഡിയിലെടുത്ത് പരിശോധിക്കുന്നുണ്ട്.
പ്രതികള് എത്തിയ KL 65 L 8306 നമ്പറിലുള്ള കാറിന്റെ ദൃശ്യം സമീപത്തെ സിസിടിവി ക്യാമറയില് പതിഞ്ഞിട്ടുണ്ട്. അനൂസ് റോഷന്റെ സഹോദരന് അജ്മല് റോഷന് വിദേശത്താണ്. കുഴൽപ്പണ ഇടപാടുമായി ബന്ധപ്പെട്ട തർക്കങ്ങളെ തുടർന്നാണ് അനൂസിനെ തട്ടിക്കൊണ്ടുപോയതെന്നാണ് നിഗമനം. മൂന്ന് പേര്ക്കായി അനൂസിന്റെ സഹോദരന് കൊടുക്കാനുള്ളത് ലക്ഷങ്ങളാണെന്നും ഒരാള്ക്ക് മാത്രം 35 ലക്ഷം കൊടുക്കാനുണ്ടെന്നും റിപ്പോർട്ടുണ്ട് . സംഭവത്തില് കൊടുവള്ളി പോലീസ് അന്വേഷണം തുടങ്ങി.
