ആലുവയിൽ ബിഹാർ സ്വദേശിനിയായ അഞ്ചുവയസ്സുകാരി ചാന്ദ്നിയെ തട്ടിക്കൊണ്ടുപോയി ക്രൂരമായി കൊലപ്പെടുത്തിയ സംഭവത്തിൽ പ്രതികരണവുമായി നടൻ ഉണ്ണി മുകുന്ദൻ രംഗത്തുവന്നു. സമൂഹ മാദ്ധ്യമമായ ഫേസ്ബുക്കിൽ കൂടിയാണ് നടൻ പ്രതികരണം അറിയിച്ചിരിക്കുന്നത്.
I will never be able to put in words, the pain caused from this heart wrenching news. My prayers for the family.
We need to know, that In times where we don’t know who surround us, How do we keep our kids safe?
“ഹൃദയഭേദകമായ ഈ വാർത്തയുണ്ടാക്കിയ വേദന ഒരിക്കലും വാക്കുകളിൽ വിവരിക്കാൻ കഴിയില്ല. കുടുംബത്തിന് വേണ്ടി എന്റെ പ്രാർത്ഥനകൾ.
നമ്മൾ അറിയണം, ആരാണ് നമ്മെ ചുറ്റിപ്പറ്റിയുള്ളതെന്ന് അറിയാത്ത സമയങ്ങളിൽ, നമ്മുടെ കുട്ടികളെ എങ്ങനെ സുരക്ഷിതമായി സൂക്ഷിക്കാം?” എന്നാണ് ഉണ്ണി കുറിച്ചത് .
അതേസമയം കുട്ടിയുടെ പോസ്റ്റ്‌മോർട്ടം റിപ്പോർട്ട് പുറത്ത് വന്നു. പെൺകുട്ടി അതിക്രൂര പീഡനത്തിനിരയായെന്നാണ് വിവരം. പീഡനത്തിന് ശേഷം പെൺകുട്ടിയെ കഴുത്ത് ഞെരിച്ചാണ് പ്രതി കൊലപ്പെടുത്തിയത്.കുട്ടിയുടെ മുഖത്ത് കല്ലുകൊണ്ട് ഇടിച്ച പാടുകളും കഴുത്തില്‍ കറുത്ത ചരടിട്ട് മുറുക്കിയ പാടുകളും കാണപ്പെട്ടിട്ടുണ്ട്. രഹസ്യ ഭാഗങ്ങളില്‍ അടക്കം കുട്ടിയുടെ ശരീരം ആസകലം മുറിവുകളുണ്ട്. മൃതദേഹം ഇന്നുതന്നെ ബന്ധുക്കള്‍ക്ക് വിട്ടുനല്‍കും. നാളെ സംസ്‌കാരം നടത്താനാണ് തീരുമാനം. മൂന്നുമണിക്കൂറോളം നീണ്ട ഇന്‍ക്വസ്റ്റ് നടപടികള്‍ക്ക് ശേഷമാണ് പോസ്റ്റുമോര്‍ട്ടത്തിനായി കൊണ്ടുപോയത്.
