മലയാള സിനിമ പ്രേക്ഷകർക്ക് അന്നും ഇന്നും ഏറെ പ്രിയപ്പെട്ട നായികയാണ് നിത്യാ ദാസ്. ഇപ്പോഴിതാ ഒരിടവേളയ്ക്ക് ശേഷം വീണ്ടും വെള്ളിത്തിരയിലേക്ക് തിരിച്ചെത്തുകയാണ് നടി. ‘പള്ളിമണി’ എന്ന ചിത്രത്തിലാണ് നിത്യാ ദാസ് അഭിനയിക്കുന്നത്. നിത്യാ ദാസ് തന്നെയാണ് ഇക്കാര്യം അറിയിച്ചത്. ‘പള്ളിമണി’ എന്ന ചിത്രത്തിന്റെ മോഷൻ പോസ്റ്ററും നിത്യാ ദാസ് പങ്കുവെച്ചു. സാമൂഹ്യമാധ്യമത്തില്‍ സജീവമായ നിത്യാ ദാസ് മികച്ച മടങ്ങി വരവിനാണ് തയ്യാറെടുക്കുന്നത്.
അനില്‍ കുമ്പഴയാണ് ചിത്രം സംവിധാനം ചെയ്യുന്നത്. സൈക്കോ ഹൊറര്‍ വിഭാഗത്തിലുള്ളതാണ് ‘പള്ളിമണി’. പള്ളിമണി എന്ന ചിത്രത്തിന്റെ പ്രമേയം സംബന്ധിച്ച് കൂടുതല്‍ വിവരങ്ങള്‍ പുറത്തുവിട്ടിട്ടില്ല. ശ്വേതാ മേനോനും ചിത്രത്തില്‍ ഒരു പ്രധാന കഥാപാത്രമായുണ്ടെന്നാണ് റിപ്പോര്‍ട്ട്.
അനിയൻ ചിത്രശ്രാലയാണ് ചിത്രത്തിന്റെ ഛായാഗ്രാഹണം നിര്‍വഹിക്കുന്നത്. സജീഷ് താമരശേരിയാണ് ചിത്രത്തിന്റെ ആര്‍ട് ഡയറക്ടര്‍. രതീഷ് പല്ലാട്ടാണ് ചിത്രത്തിന്റെ പ്രൊജക്റ്റ് ഡിസൈനര്‍. നാരായണൻ ആണ് ചിത്രത്തിന്റെ ഗാനരചന നിര്‍വഹിക്കുന്നത്. ശ്രീജിത്ത് രവിയാണ് ചിത്രത്തിന്റെ സംഗീത സംവിധായകൻ. പള്ളിമണി എന്ന ചിത്രത്തിന്റെ പ്രമേയം സംബന്ധിച്ച് കൂടുതല്‍ വിവരങ്ങള്‍ പുറത്തുവിട്ടിട്ടില്ല.
മലയാളികളുടെ എന്നത്തേയും പ്രിയ ചിത്രം ഈ പറക്കുംതളികയെന്ന ചിത്രത്തിലൂടെ വെള്ളിത്തിരയിലെത്തിയ നടിയാണ് നിത്യാ ദാസ്. നരിമാൻ, ഹൃദയത്തില്‍ സൂക്ഷിക്കാൻ, ചൂണ്ട, സൂര്യ കിരീടം,ബാലേട്ടൻ തുടങ്ങിയവയില്‍ അഭിനയിച്ചു. അരവിന്ദ് സിംഗുമായുള്ള വിവാഹത്തിന് ശേഷമാണ് അഭിനയത്തില്‍ നിന്ന് വിട്ടുനിന്നത്.
