ഏറെ കാത്തിരിപ്പുകൾക്കൊടുവിൽ മോഹൻലാലിൻറെ മലൈക്കോട്ടൈ വാലിബന്റെ ഫസ്റ്റ് ലുക്ക് പോസ്റ്റർ പുറത്തെത്തിയ സന്തോഷത്തിലാണ് മോഹൻലാൽ ആരാധകർ. കഴിഞ്ഞ ദിവസം വൈകുന്നേരമാണ് മോഹൻലാൽ മലൈക്കോട്ടൈ വാലിബന്റെ ഫസ്റ്റ് ലുക്ക് പോസ്റ്റർ സോഷ്യൽ മീഡിയ വഴി പങ്ക് വച്ചത്. ഇപ്പോഴിതാ മലയാളത്തിന്റെ മെഗാസ്റ്റാർ മമ്മൂട്ടിയുടെ ആരാധകർക്കും ഏറെ സന്തോഷിക്കാവുന്ന കാര്യമാണ് ഉണ്ടായിരിക്കുന്നത്. മമ്മൂട്ടി തന്റെ പുതിയ ചിത്രമായ കണ്ണൂർ സ്ക്വാഡിന്റെ പുതിയ അപ്‌ഡേഷനാണ് ഇപ്പോൾ പുറത്ത് വിട്ടിരിക്കുന്നത്.
ഒരു പൊലീസ് ജീപ്പിനൊപ്പം കൈവിലങ്ങുള്ള പോസ്റ്ററിനൊപ്പമാണ് ചിത്രത്തിന്റെ പുതിയ അപ്ഡേറ്റ് മമ്മൂട്ടി പുറത്തുവിട്ടിരിക്കുന്നത്. വിഷുദിനത്തിൽ വൈകുന്നേരം 6 മണിക്ക് ചിത്രത്തിന്റെ സെക്കന്റ് ലുക്ക് പോസ്റ്ററും പുറത്തിറങ്ങും. നവാഗതനായ റോബി വർഗീസ് രാജാണ് കണ്ണൂർ സ്ക്വാഡ് സംവിധാനം ചെയ്തിരിക്കുന്നത്.
