ബംഗലൂരു: മദ്യം വാങ്ങാനുള്ള പ്രായപരിധി കുറയ്ക്കില്ല. കർണാടകയിൽ മദ്യം വാങ്ങാനുള്ള മിനിമം പ്രായം 21-ൽ നിന്ന് 18 ആക്കി കുറയ്ക്കാനുള്ള സംസ്ഥാനസർക്കാരിന്റെ നീക്കത്തെ പൊതുജനസംഘടനകളടക്കം എതിർത്തിരുന്നു. ഇതിനെ തുടർന്ന് പ്രതിഷേധം ഉയർന്നതോടെയാണ് സർക്കാർ തീരുമാനം പിൻവലിച്ചത്.
കർണാടക എക്സൈസ് റൂൾസ് 2023-ന്‍റെ കരട്, കഴിഞ്ഞ ശനിയാഴ്ചയാണ് സംസ്ഥാനസർക്കാർ പുറത്തിറക്കിയത്. മദ്യം വാങ്ങാനുള്ള പ്രായം കുറയ്ക്കുന്നതടക്കമുള്ള നിർദേശങ്ങൾ കരടിൽ പറയുന്നുണ്ടായിരുന്നു. എന്നാൽ ആ തീരുമാനത്തിനെതിരെ പ്രതിഷേധമുയർന്നതോടെയാണ് ഇത് പിൻവലിച്ചത്.
