തിരുവനന്തപുരം: മോഷ്ടിച്ച ബൈക്കുമായി ഹെൽമെറ്റില്ലാതെ നഗരത്തിൽ കറങ്ങിയ കുപ്രസിദ്ധ മോഷ്ടാവ് പിടിയിൽ.ബിജു സെബാസ്റ്റ്യൻ (53) നെയാണ് കീഴ്വായ്പൂർ പൊലീസ് പിടികൂടിയത്.ഇയാൾ മോഷ്ടിച്ച ബൈക്കുമായി ഹെൽമെറ്റില്ലാതെ നഗരം ചുറ്റിയതിന് പിന്നാലെ പിഴ വന്നത് വാഹനത്തിന്റെ യഥാർത്ഥ ഉടമയ്ക്കായിരുന്നു. ഫോണിൽ പിഴ അടയ്ക്കാൻ മെസ്സേജ് വന്നതോടെ ഉടമ പോലീസിനെ സമീപിക്കുകയായിരുന്നു.ഇതിന് പിന്നാലെയാണ് ആസ്ഥാന മോഷ്ടാവ് ബിജു പിടിയിലാകുന്നത്.നിരവധി കേസുകളിലെ പ്രതിയാണ് ബിജു എന്ന് പോലീസ് വ്യക്തമാക്കി.
35 വർഷത്തിനിടെ വിവിധ ജില്ലകളിൽ അമ്പതിലധികം മോഷണങ്ങൾ ആണ് ഇയാൾ നടത്തിയത്. മാല പൊട്ടിക്കൽ,പഞ്ചലോഹ വിഗ്രഹ മോഷണം,വാഹന മോഷണം തുടങ്ങി പലവിധത്തിലുള്ള മോഷണ വിദഗ്ധനാണ് പ്രതി.ഒരു കോടി രൂപയിലധികം വിലമതിക്കുന്ന പഞ്ചലോഹ വിഗ്രഹം തിരുവനന്തപുരത്ത് മോഷ്ടിച്ച കേസിലെ മുഖ്യ കണ്ണിയാണ് ഇയാൾ. മൊബൈൽ ഫോൺ ഉപയോഗിക്കുകയോ സ്ഥിരമായി ഒരു സ്ഥലത്ത് താമസിക്കുകയോ ചെയ്യാത്ത പ്രതിയെ രണ്ടുമാസത്തെ പരിശ്രമത്തിനൊടുവിലാണ് പിടികൂടിയത്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു. എസ് എച്ച് വിപിൻ ഗോപിനാഥ് ,എസ് ഐ മാരായ ആദർശ്, സുരേന്ദ്രൻ, സി പി ഓ അൻസിം, രതീഷ്, വിഷ്ണു, ദീപു, ഷെഫീഖ്, ശരത്ത്, എസ് ഐ അജു, ഉണ്ണികൃഷ്ണൻ എന്നിവരടങ്ങിയ സംഘമാണ് അറസ്റ്റ് ചെയ്തത്.
