കൊച്ചി: ലുലു മാളിലെ ശുചിമുറിയിൽ ക്യാമറ വെക്കാൻ ശ്രമിച്ച യുവാവ് അറസ്റ്റിൽ. പയ്യന്നൂർ സ്വദേശി അഭിമന്യുവാണ് അറസ്റ്റിലായത്. പ്രതി കൊച്ചി ഇൻഫോപാർക്കിലെ ജീവനക്കാരനാണ്. കഴിഞ്ഞ ദിവസം രാത്രിയാണ് ഇയാൾ ശുചിമുറിയിൽ ക്യാമറ വെക്കാൻ ശ്രമിച്ച് പിടിയിലായത്. പർദ്ദ ധരിച്ചെത്തിയാണ് മൊബൈൽ ക്യാമറ ശുചിമുറിക്കുള്ളിൽ സ്ഥാപിച്ചത്. പർദ്ദ ധരിച്ചയാൾ സ്ത്രീകളുടെ ടോയ്ലറ്റിന് സമീപം ചുറ്റി തിരയുന്നത് കണ്ടത് ലുലു മാളിലെ സെക്യൂരിറ്റി ജീവനക്കാരിയാണ്.
സംഭവം ശ്രദ്ധയിൽപ്പെട്ടതോടെ ഈ വിവരം സെക്രൂരിറ്റി ജീവനക്കാരി മാനേജ്മെന്റിനെ അറിയിക്കുകയായിരുന്നു. തുടർന്ന് പോലീസിൽ വിവരം അറിയിച്ചത് അനുസരിച്ച് കളമശ്ശേരി പോലീസ് എത്തിയാണ് യുവാവിനെ അറസ്റ്റ് ചെയ്തത്. സംഭവത്തിൽ കൂടുതൽ അന്വേഷണം നടത്തുമെന്ന് പോലീസ് അറിയിച്ചു.
