സിനിമ താരങ്ങൾ കോവിഡ് വാക്സിൻ എടുക്കുന്ന തിരക്കിലാണ്. 18 വയസിനു മുകളിലുള്ളവർക്ക് കോവിഡ് വാക്‌സിൽ ലഭ്യമാക്കിത്തുടങ്ങിയതോടെ മലയാള സിനിമയിലെ നിരവധി താരങ്ങൾ വാക്സിൻ എടുക്കുന്ന വിഡിയോയാണ് സമൂഹമാധ്യമങ്ങളിൽ വൈറലാകുന്നത്. കഴിഞ്ഞ ദിവസം യുവനടി അനശ്വര രാജൻ കോവിഡ് വാക്സിൻ സ്വീകരിച്ചിരുന്നു. ഇപ്പോൾ വൈറലാകുന്നത് കുത്തിവയ്പ്പെടുക്കുന്ന അനശ്വരയുടെ വിഡിയോ ആണ്. “ഞാൻ വാക്സിൻ സ്വീകരിച്ചു, നിങ്ങളോ?’ എന്ന അടിക്കുറിപ്പിലാണ് താരം വിഡിയോ പങ്കുവെച്ചത്. അതിന് പിന്നാലെ നിരവധി കമന്റുകളുമായി നിരവധി പേർ എത്തി.
വാക്സിനെടുക്കാൻ അനശ്വരയെ കണ്ടു പഠിക്കണം എന്നാണ് ആരാധകർ പറയുന്നത്. മുൻപ് നിരവധി താരങ്ങൾ വാക്സിൻ എടുത്ത വീഡിയോ പങ്കുവെച്ചിരുന്നു. എന്നാൽ സൂചി പേടിച്ചു കരയുന്നതും, കണ്ണടച്ചിരിക്കുന്ന വിഡിയോയാണ് കണ്ടത്. പക്ഷേ ഇതൊന്നുമില്ലാതെ വളരെ നിഷ്കളങ്കമായി ഇരിക്കുന്ന അനശ്വരയെ അഭിനന്ദിക്കുകയാണ് ആരാധകർ. ഉദാഹരണം സുജാത എന്ന സിനിമയിലൂടെയാണ് അനശ്വര സിനിമയിലെത്തുന്നത്. തണ്ണീർ മത്തന്‌ ദിനങ്ങൾ വിജയമായതോടെ നിരവധി അവസരങ്ങളാണ് താരത്തെ തേടിയെത്തുന്നത്.
പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona
