ചെങ്ങന്നൂർ: കുട്ടികളെ ഉപേക്ഷിച്ച് നാടുവിട്ട യുവതിയെ കാമുകനൊപ്പം അറസ്റ്റ് ചെയ്ത് പോലീസ്. മുളക്കുഴ പെരിങ്ങാല ശ്രീനന്ദനം വീട്ടിൽ അഞ്ജന (35), ചെങ്ങന്നൂർ അങ്ങാടിക്കൽ കൊച്ചാദിശ്ശേരി വീട്ടിൽ കെ.ആർ. സുജിത്ത് (36) എന്നിവരാണ് അറസ്റ്റിലായത്.
പത്തുവയസിൽ താഴെയുള്ള രണ്ട് കുട്ടികളെ ഉപേക്ഷിച്ചാണ് യുവതി ഒളിച്ചോടിയത്. അഞ്ജനയുടെ ഭർത്താവ് ഗൾഫിലാണ് ജോലി ചെയ്തിരുന്നത്. തുടർന്ന് ഭർത്താവിന്റെ വീട്ടിൽ കഴിഞ്ഞിരുന്ന അഞ്ജന ഇക്കഴിഞ്ഞ 11ന് പുലർച്ച രണ്ടിനാണ് സുജിത്തിനൊപ്പം പോയത്.
യുവതിയുടെ ഭർത്താവ് 11-ന് പുലർച്ച 4.45-ന് വിദേശത്തുനിന്ന് മടങ്ങിയെത്തിയപ്പോഴാണ് അഞ്ജന മറ്റൊരാളോടൊപ്പം പോയത് അറിഞ്ഞത്. മാത്രമല്ല ഇരുവരും പഠനകാലം മുതൽ അടുപ്പത്തിലായിരുന്നുവെന്ന് പൊലീസ് വ്യക്തമാക്കി.
ഇന്നലെ കോടതിയിൽ ഹാജരാകാൻ എത്തിയപ്പോഴാണ് എസ്.ഐ എസ്. രാജേഷ്, സീനിയ‌ർ സി.പി.ഒ ബാലകൃഷ്ണൻ, വനിത സിവിൽ പൊലീസ് ഓഫിസർ മായാദേവി എന്നിവർ ചേർന്ന് പിടികൂടിയത്. കോടതി ഇവരെ റിമാൻഡ് ചെയ്തു.
