കൊൽക്കത്ത: സന്ദേശ്ഖലിയിൽ ഇത്തവണ നേരത്തെ ഹോളി ആഘോഷങ്ങൾ തുടങ്ങി. ലൈംഗികാതിക്രമക്കേസിൽ തൃണമൂൽ കോൺഗ്രസ് നേതാവ് ഷാജഹാൻ ഷെയ്ഖിന്റെ അറസ്റ്റിന് പിന്നാലെ സന്ദേശ്ഖലിയിലെ ജനങ്ങൾ മധുരപലഹാരങ്ങൾ വിതരണം ചെയ്ത് ഹോളിക്ക് സമാനമായ ആഘോഷങ്ങളിൽ ഏർപ്പെട്ടിരിക്കുകയാണ്.
അനിഷ്ട സംഭവങ്ങൾ നടക്കാനുള്ള സാദ്ധ്യത കണക്കിലെടുത്ത് പശ്ചിമ ബംഗാളിലെ 49 സ്ഥലങ്ങളിൽ നിരോധനാജ്ഞ പ്രഖ്യാപിച്ചിട്ടുണ്ട്. സംസ്ഥാനത്ത് വലിയ നിയന്ത്രണങ്ങൾ നിലനിൽക്കുമ്പോഴും ജനങ്ങൾ നിരത്തിലിറങ്ങി ആഘോഷ പരിപാടികൾ നടത്തുകയാണ്.
സർബീരിയ-അഗർഹത്തി ഗ്രാമപ്പഞ്ചായത്തിന് കീഴിലുള്ള ഷാജഹാന്റെ അക്കുഞ്ഞിപ്പാറ വസതിയിൽ ഉൾപ്പെടെ വിവിധ പ്രദേശങ്ങളിൽ പോലീസിനെ വിന്യസിച്ചിരിക്കുകയാണ്. സർബെരിയ, ബോയ്മാരി, നസാത്, മെതിയഖാലി, തല്തല, കലിനഗർ, ത്രിമോഹിനി, ധമഖാലി, ഖുൽന ഹാറ്റ്, മോനിപൂർ, പത്രപാര, ഹത്ഗാച്ചി, അതാപൂർ എന്നിവിടങ്ങളിൽ വൻ സുരക്ഷാ മുൻകരുതലുകളും സ്വീകരിച്ചിട്ടുണ്ട്.