കാക്കനാട്: പുരയിടത്തിൽ മണ്ണ് ലെവൽ ചെയ്യുന്ന സ്ഥലത്ത് അതിക്രമിച്ചു കയറി വധഭീക്ഷണി മുഴക്കുകയും ഭയപ്പെടുത്തി പണംതട്ടാൻ ശ്രമിച്ച കേസിലെ പ്രതികളെ പോലീസ് അറസ്റ്റ് ചെയ്തു. കാക്കനാട് നിലംപതിഞ്ഞി മുഗൾ സ്വദേശിനിയുടെ പുരയിടത്തിലാണ് വധഭീക്ഷണി മുഴക്കി യുവാക്കൾ അതിക്രമിച്ചു കയറിയത്. സംഭവത്തിൽ കളമശേരി എച്ച്എംടി കോളനിയിൽ കളപ്പുരക്കൽ ഷാഹുൽ ഹമീദ്(35), കളമശേരി തിണ്ടിക്കൽ സനൂപ്(33), ആലുവ പള്ളിയാംകരയിൽ ചാളയിൽ സുനീർ(26), ഏലൂർ കുറ്റികാട്ടുചിറ കോട്ടപറമ്പ് ശരവണകുമാർ(28) എന്നിവരെ പോലീസ് അറസ്റ്റ് ചെയ്തു.
പ്രതികൾ കാക്കനാട് നിലംപതിഞ്ഞി മുഗൾ സ്വദേശിനിയുടെ അതിക്രമിച്ച് കയറുകയും പുരയിടത്തിൽ മണ്ണ് ലെവൽ ചെയ്യുന്നത് തടയുകയും, വധഭീക്ഷണി മുഴക്കി പണം ആവശ്യപ്പെടുകയുമായിരുന്നു. പ്രതികൾ ആലുവ, കളമശേരി, ഏലൂർ, തൃക്കാക്കര, ഇൻഫോപാർക്ക് സ്റ്റേഷനുകളിലായി നിരവധി കേസുകളിലെ പ്രതികളാണ്.
