ഇന്ത്യ ആതിഥേയരാകുന്ന ഏകദിന ലോകകപ്പില ബെംഗളൂരു ചിന്നസ്വാമി സ്റ്റേഡിയത്തിൽ നടന്ന 18-ാം മത്സരത്തിൽ പാകിസ്ഥാനെ തകർത്തെറിഞ്ഞ് ഓസ്‌ട്രേലിയ തുടർച്ചയായ രണ്ടാം ജയം നേടി. 62 റൺസിനാണ് കങ്കാരുക്കൾ പാകിസ്ഥാനെ പരാജയപ്പെടുത്തിയത്. മത്സരത്തിലൂടെനീളം ഓസ്‌ട്രേലിയൻ താരങ്ങൾ മികച്ച പ്രകടനം കാഴ്ചവച്ചെങ്കിലും ഇപ്പോൾ സമൂഹ മാദ്ധ്യമങ്ങളിൽ വൈറലായിരിക്കുന്നത് മത്സരം വീക്ഷിക്കാനെത്തിയ ഒരു ഓസ്‌ട്രേലിയൻ ആരാധകനാണ്.
Australia fans saying "Bharat Mata Ki Jai" at Chinnaswamy Stadium.pic.twitter.com/udVosrzhbv
— Johns. (@CricCrazyJohns) October 21, 2023
“ഭാരത് മാതാ കീ ജയ്” എന്ന് ഉറക്കെ വിളിക്കുന്ന ആരാധകന്റെ വീഡിയോ ദൃശ്യങ്ങൾ സമൂഹ മാദ്ധ്യമങ്ങളിലടക്കം അതിവേഗം ഷെയർ ചെയ്യപ്പെടുകയാണ്. കളിയോടുള്ള ഈ ആരാധകന്റെ അഭിനിവേശവും ഇന്ത്യൻ ടീമിനുള്ള പിന്തുണയും പലരുടെയും ഹൃദയത്തെ സ്പർശിച്ചു.
ഓസ്‌ട്രേലിയയ്‌ക്കെതിരായ മത്സരത്തിനിടെ ‘പാകിസ്ഥാൻ സിന്ദാബാദ്’ എന്ന് വിളിക്കാൻ ശ്രമിച്ച പാക് ആരാധകനെ ഒരു പോലീസുകാരൻ തടഞ്ഞ സംഭവത്തിന്റെ വീഡിയോയും വൈറലായി.
മത്സരത്തിൽ ഓസ്‌ട്രേലിയൻ ക്രിക്കറ്റ് താരം ഡേവിഡ് വാർണർ തന്റെ സെഞ്ച്വറി ആഘോഷിച്ചത് അല്ലു അർജുന്റെ പുഷ്പ കഥാപാത്രത്തിൽ നിന്ന് പ്രചോദനം ഉൾക്കൊണ്ടായിരുന്നു.
