തിരുവനന്തപുരം: ഓട്ടോ ഡ്രൈവറെ ആക്രമിച്ച കേസിലെ പ്രതികള് പിടിയില്. പുത്തന്പാലം വയല് നികത്തിയ വീട്ടില് ആനന്ദ്, ശരണ് എന്നിവരെയാണ് പേട്ട പോലീസ് അറസ്റ്റ് ചെയ്തത്. കഴിഞ്ഞ ദിവസം പുത്തന്പാലത്ത് വച്ച് ഓട്ടോയില് വന്ന വിളവൂര്ക്കല് സ്വദേശി ശ്യാമിനെ ഇരുവരും ചേർന്ന് ആക്രമിക്കുകയായിരുന്നു.
ശ്യാമിനോടുള്ള മുന് വൈരാഗ്യമാണ് ആക്രമണത്തിന് കാരണം. സംഭവം നടന്ന സമയം പുത്തന്പാലം പിക്കറ്റ് ഡ്യൂട്ടിയിലുണ്ടായിരുന്ന പോലീസ് ഉദ്യോഗസ്ഥന് സ്റ്റേഷനില് അറിയിച്ചതിനെതുടര്ന്ന് കൂടുതല് പോലീസ് എത്തി ഇവരെ അറസ്റ്റ് ചെയ്യുകയായിരുന്നു.
ശംഖുംമുഖം എ.സി.പി ഡി.കെ. പൃഥിരാജിന്റെ നിര്ദേശപ്രകാരം പേട്ട എസ്.എച്ച്.ഒ റിയാസ് രാജ, എസ്.ഐ രതീഷ്, എ.എസ്.ഐ വിനോദ്, സി.പി.ഒമാരായ രാജാറാം, ഷമി, വിനോദ് എന്നിവരടങ്ങിയ പോലീസ് സംഘമാണ് പ്രതികളെ അറസ്റ്റ് ചെയ്തത്. കോടതിയില് ഹാജരാക്കിയ പ്രതികളെ റിമാന്ഡ് ചെയ്തു.
