കോഴിക്കോട്: ലൈംഗിക പീഡനക്കേസിൽ പ്രതിയായ സാംസ്കാരിക പ്രവര്ത്തകന് സിവിക് ചന്ദ്രന്റെ മുന്കൂര് ജാമ്യാപേക്ഷ ഇന്ന് പരിഗണിക്കും. ജാമ്യ ഹര്ജി പരിഗണിക്കുന്നത് കോഴിക്കോട് ജില്ലാ കോടതി ആണ്. യുവ ഹയര് സെക്കന്ഡറി അധ്യാപികയും എഴുത്തുകാരിയുമായ വ്യക്തി നല്കിയ പരാതിയുടെ അടിസ്ഥാനത്തില് ലൈംഗിക അതിക്രമം, പട്ടികജാതിക്കാര്ക്കെതിരെയുള്ള അതിക്രമം തടയല് നിയമം എന്നീ വകുപ്പുകള് ചുമത്തി കൊയിലാണ്ടി പൊാലീസ് സിവിക് ചന്ദ്രനെതിരെ കേസെടുത്തിരുന്നു.
പരാതിക്കാരിയുടെ മൊഴി അന്വേഷണസംഘം രേഖപ്പെടുത്തിയിട്ടുണ്ട്. അന്വേഷണ പുരോഗതി സംബന്ധിച്ച റിപ്പോർട്ട് പൊലീസ് കോടതിയിൽ ഹാജരാക്കും. ഇത് കൂടി പരിഗണിച്ചാവും മുൻകൂർ ജാമ്യ അപേക്ഷയിൽ തീരുമാനമെടുക്കുക. സിവിക് ചന്ദ്രന് ഒളിവിലാണ് എന്നാണ് പൊലീസ് പറയുന്നത്.
കേസില് അന്വേഷണ പുരോഗതി സംബന്ധിച്ച റിപ്പോര്ട്ട് പൊലീസ് കോടതിയില് ഹാജരാക്കും. നിലവിൽ സിവിക് ചന്ദ്രൻ ഒളിവിലാണ്. ഇയാൾ സംസ്ഥാനം വിട്ടതായാണ് സൂചന. കോഴിക്കോട് വെസ്റ്റ്ഹില്ലിലുളള വീട്ടിലേക്ക് പലതവണ അന്വേഷണസംഘം ചെന്നെങ്കിലും കണ്ടെത്താൻ സാധിച്ചിരുന്നില്ല. പരാതിക്കാരിയായ അധ്യാപികയുടെ വിശദമായ മൊഴി വടകര ഡിവൈഎസ്പിയുടെ നേതൃത്വത്തിലുളള അന്വേഷണ സംഘം രേഖപ്പെടുത്തിയിരുന്നു.