യാചകരുടെ മറവില്‍ ടൗണില്‍ വിഹരിക്കുന്നത് കുറ്റവാളികളോ? അന്വേഷണവുമായി പോലീസ്

ആ​ലു​വ: യാ​ച​ക​രു​ടെ​യും നാ​ടോ​ടി​ക​ളു​ടെ​യും മ​റ​വി​ല്‍ ന​ഗ​ര​ത്തി​ല്‍ അ​ന്തി​യു​റ​ങ്ങു​ന്ന കു​റ്റ​വാ​ളി​ക​ള്‍ ത​ല​വേ​ദ​ന​യാ​കു​ന്നു. ബൈ​പാ​സ് മേ​ല്‍​പാ​ല​ത്തി​ന് കീ​ഴി​ല്‍ അ​ധി​വ​സി​ക്കു​ന്ന സാ​മൂ​ഹി​ക ദ്രോ​ഹി​ക​ളാ​ണ് പ​ല​പ്പോ​ഴും അ​ക്ര​മ​കാ​രി​ക​ളാ​യി മാ​റു​ന്ന​ത്. മ​ദ്യ​ത്തി​നും മ​യ​ക്കു​മ​രു​ന്നി​നും അ​ടി​മ​ക​ളാ​യ കു​റ്റ​വാ​ളി​ക​ള്‍ പി​ടി​ച്ചു​പ​റി​യും വാ​ഹ​ന​ങ്ങ​ളി​ല്‍​നി​ന്നും മ​റ്റും മോ​ഷ​ണ​ങ്ങ​ളും ന​ട​ത്തു​ന്നു​ണ്ട്. ഭി​ക്ഷ​യെ​ന്ന പേ​രി​ല്‍ ക​ട​ക​ളി​ല്‍​നി​ന്ന് നി​ര്‍​ബ​ന്ധി​ത പ​ണ​പ്പി​രി​വി​ന് ശ്ര​മി​ക്കു​ന്ന​ത് ആ​ലു​വ​യി​ല്‍ ആ​ക്ര​മ​ണ​ത്തി​ല്‍ ക​ലാ​ശി​ക്കു​ന്നു.

ക​ഴി​ഞ്ഞ ദി​വ​സം ഇ​ത്ത​ര​ത്തി​ല്‍ പി​രി​വ് ന​ല്‍​കാ​ത്ത​തി​ന് ബൈ​പാ​സ് ക​വ​ല​യി​ല്‍ ഒ​രാ​ള്‍ ക​ട​യു​ട​മ​ക​ളെ അ​സ​ഭ്യം പ​റ​ഞ്ഞ് ആ​ക്ര​മ​ണ​ത്തി​ന് ശ്ര​മി​ച്ചി​രു​ന്നു. തു​ട​ര്‍​ന്ന് ഇ​യാ​ളെ ക​ട​യു​ട​മ​ക​ള്‍ വ​ടി​യെ​ടു​ത്ത് വി​ര​ട്ടി ഓ​ടി​ക്കു​ക​യാ​യി​രു​ന്നു. ഇ​തു​ക​ണ്ട്, വ​ഴി​യാ​ത്രി​ക​രി​ല്‍ ചി​ല​ര്‍ പ്ര​ശ്ന​ത്തി​ല്‍ ഇ​ട​പെ​ട്ട​ത് വ്യാ​പാ​രി​ക​ളു​മാ​യി സം​ഘ​ര്‍​ഷ​ത്തി​ല്‍ ക​ലാ​ശി​ച്ചു. സം​ഘ​ര്‍​ഷ​ത്തി​ല്‍ മൂ​ന്നു​പേ​ര്‍​ക്ക് പ​രി​ക്കേ​റ്റു. അ​ടു​വാ​ശ്ശേ​രി സ്വ​ദേ​ശി ഷൈ​ന്‍, എ​ട​യ​പ്പു​റം സ്വ​ദേ​ശി അ​ല്‍​താ​ഫ്, അ​ശോ​ക​പു​രം സ്വ​ദേ​ശി അ​ഭി​രാം എ​ന്നി​വ​ര്‍​ക്കാ​ണ് പ​രി​ക്കേ​റ്റ​ത്. ഇ​വ​രെ ആ​ലു​വ ജി​ല്ല ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ചു.

സം​ഭ​വ​വു​മാ​യി ബ​ന്ധ​പ്പെ​ട്ട് മൂ​ന്ന് വ്യാ​പാ​രി​ക​ളെ അ​റ​സ്‌​റ്റ് ചെ​യ്ത​താ​യി സി.​ഐ അ​നി​ല്‍​കു​മാ​ര്‍ പ​റ​ഞ്ഞു. അ​ജി, റ​ഷീ​ദ്, അ​ബ്‌​ദു​ല്‍ റ​സാ​ഖ് എ​ന്നി​വ​രെ​യാ​ണ് അ​റ​സ്‌​റ്റ് ചെ​യ്ത​ത്. ഇ​വ​രെ പി​ന്നീ​ട് ജാ​മ്യ​ത്തി​ല്‍ വി​ട്ടു. വ​ഴി​യാ​ത്ര​ക്കാ​ര്‍ കാ​ര്യ​മെ​ന്തെ​ന്ന്​ അ​ന്വേ​ഷി​ക്കാ​തെ ത​ങ്ങ​ളെ ആ​ക്ര​മി​ക്കാ​ന്‍ വ​രു​ക​യാ​യി​രു​ന്നെ​ന്നാ​ണ് വ്യാ​പാ​രി​ക​ള്‍ പ​റ​യു​ന്ന​ത്.