ഭോപ്പാല്‍ : പൗരത്വ നിയമ ഭേദഗതിക്കെതിരെ കോണ്‍ഗ്രസ് നടത്തുന്ന ആക്രമണം വിഭജനത്തിനു സമാനമായ സാഹചര്യം സൃഷ്ടിക്കാനുള്ള ശ്രമം മാത്രമാണെന്ന് ബി ജെ പി ദേശീയ ഉപാധ്യക്ഷയും മധ്യപ്രദേശ് മുന്‍ മുഖ്യമന്ത്രിയുമായ ഉമാ ഭാരതി. സി എ എയുടെ പേരില്‍ കോണ്‍ഗ്രസ് ജനങ്ങളെ തെറ്റിദ്ധരിപ്പിക്കുകയാണ്.
1947ല്‍ രാജ്യം ബ്രിട്ടീഷുകാരില്‍ നിന്ന് സ്വാതന്ത്ര്യം നേടിയപ്പോള്‍ നടത്തിയ ഗൂഢാലോചന പുനരവതരിപ്പിക്കാനാണ് കോണ്‍ഗ്രസ് ശ്രമിക്കുന്നത്. അത് ബി ജെ പി അനുവദിച്ചു നല്‍കില്ലെന്നും അവര്‍ പറഞ്ഞു. സി എ എയ്ക്കെതിരെ സമരം ചെയ്യുന്ന ജനങ്ങള്‍ക്ക് യഥാര്‍ത്ഥത്തില്‍ സി എ എ എന്താണെന്ന് പോലും അറിയില്ല. അതിന്റെ എല്ലാ തെളിവുകളും മാധ്യമങ്ങളിലുണ്ടെന്നും അവര്‍ പറഞ്ഞു. കൂടാതെ,നിയമം കൊണ്ടുവരാനുള്ള നിശ്ചയദാര്‍ഢ്യം കാട്ടിയ നരേന്ദ്ര മോഡി സര്‍ക്കാരിനെ പ്രശംസിക്കുകയും ചെയ്തു.
ഭോപ്പാലില്‍ ഗണേഷ ക്ഷേത്രത്തില്‍ ദര്‍ശനം നടത്തിയ ശേഷം
അവര്‍ മാധ്യമങ്ങളുമായി സംസാരിക്കുകയായിരുന്നു.
